26.02.2013 / 16:05

«Белая Русь» і польская «Самаабарона» падпісалі пагадненне аб супрацоўніцтве 10

Кіраўнікі РГА «Белая Русь» Аляксандр Радзькоў і польскай партыі «Самаабарона» Лех Курапатвіньскі 26 лютага ў Мінску падпісалі пагадненне аб супрацоўніцтве паміж арганізацыямі.

«Да падпісання пагаднення мы ішлі чатыры гады, — заявіў журналістам намеснік старшыні „Белай Русі“ Віктар Шацько. — Мы так доўга вялі перамовы, таму што хацелі ясна зразумець, што хочуць атрымаць бакі ад супрацоўніцтва».

Паводле яго слоў, «Белая Русь» хацела б кантактаваць з арганізацыямі, якія прадстаўляюць не толькі краіны СНД, але і еўрапейскія дзяржавы. «Польская „Самаабарона“ — адна з такіх арганізацый. Гэта партыя найбольш праўдзіва падыходзіць да сітуацыі ў Беларусі, падае інфармацыю пра нашу краіну ў СМІ», — сказаў Шацько.

Намеснік старшыні «Белай Русі» паведаміў, што арганізацыям хацела б супрацоўнічаць з «Самаабаронай» «у плане аналітыкі, выбару шляхоў інфармавання насельніцтва дзвюх краін». «Мы хацелі б разабрацца з асновай стаўлення да Беларусі ў Еўропе, як да нашай краіны ставяцца не толькі палітыкі, але і простае насельніцтва», — зазначыў ён.

Шацько паведаміў, што «Белая Русь» «праз СМІ, канферэнцыі, сумесныя мерапрыемствы хацела б паказаць, што Беларусь — краіна, якая дынамічна развіваецца». «Мы хочам развівацца ў палітычным, эканамічным, культурным, адукацыйным плане. Беларусь — еўрапейская краіна. Спадзяюся, „Самаабарона“ дапаможа знайсці правільны шлях выбудоўвання адносінаў з Польшчай», — сказаў ён.

0
liashkou_a / Адказаць
26.02.2013 / 17:45
Цудоўная навіна. Па-першае, лукашысты зрабілі глупства. Раней яны маглі паказваць прадстаўнікоў "Самаабароны" як незалежных і аб'ектыўных экспертаў. А зараз такой магчымасьці ўжо ня будзе. Асабліва пры прамовах пра дасягненьні існага рэжыму на Беларусі. Па-другое, лукашысты абралі сабе красамоўнага партнёра. "Самаабарона" - папулісцкая, кансерватыўная, нацыяналістычная, антымадэрнісцкая палітычная партыя. З такімі сябрамі лукашысты вокамгненна здзейсьняць мадэрнізацыю... І галоўнае, "Самаабарона" "вельмі ўплывовая" партыя ў польскім грамадзстве. На выбарах 2011 году яна набрала - 0,07%!!! Выдатны вынік.
0
Франак Нырка / Адказаць
26.02.2013 / 17:47
Бардзо шкода, цо тут немА пана Збігнева. О то ест яйка - яя. Натуральне. кодут і кура в едном. Бендзе кохач тэж натуральне. Але вшістко едно не разумем, як пан Збігнев слыше з текстув вон і дзьвеньку? Б'ело росія самоброна! Ес! Самабранка - абрус.. Рондо, так бы мовіч)))
0
варта дадаць / Адказаць
26.02.2013 / 17:47
Гэтая польская партыя атрымала ажно 0,07% галасоў на апошніх парламенцкіх выбарах у Польшчы.
Паказаць усе каментары/ 10 /
Каб пакінуць каментар, калі ласка, актывуйце JavaScript у наладах свайго браўзеру