26.02.2013 / 18:52

Мінфін: Адшуканне $3 млрд для выплаты знешняга дзярждоўгу не павінна стаць невырашальнай праблемай 4

Такую думку выказаў намеснік міністра фінансаў Максім Ермаловіч у артыкуле, апублікаваным у лютаўскім нумары ведамаснага часопіса Мінфіна «Финансы, учет, аудит».

Як зазначыў намеснік міністра, у 2012 годзе Міністэрствам фінансаў у поўным аб’ёме выкананы абавязацельствы па абслугоўванні і пагашэнні дзяржаўнага доўгу.

У выніку па стане на 1 студзеня 2013 года парогавыя значэнні індыкатараў сацыяльна эканамічнай бяспекі не былі перавышаны. Унутраны дзяржаўны доўг склаў 25,8 трлн. рублёў (пры ліміце 34 трлн.), знешні склаўся на ўзроўні 12 млрд. долараў (пры ліміце 14,3 млрд.).

«Варта зазначыць, што ў 2013 годзе Беларусь выплаціць 3 млрд. долараў ЗША знешняга доўгу, з іх 2,3 млрд. долараў будзе накіравана на пагашэнне асноўнага доўгу, 700 млн. долараў — на выплату працэнтаў. Адшуканне такога аб’ёму сродкаў не павінна стаць невырашальнай праблемай», — мяркуе Ермаловіч.

Ён удакладніў, што на абслугоўванне знешняга дзярждоўгу ў бездэфіцытным бюджэце краіны ўжо прадугледжана 700 млн. долараў. Каля 300 млн. долараў прыцягнута за кошт выпуску валютных аблігацый для юрыдычных і фізічных асоб. «Яшчэ 1,3 млрд. долараў будзе выдзелена па лініі Антыкрызіснага фонду ЕўрАзЭС. Для выплаты астатняй часткі будзе прыцягнута назапашаная астача», — зазначыў намеснік міністра фінансаў.

0
Кнехт / Адказаць
26.02.2013 / 21:10
Фінансы Мінфін: Адшуканне $3 млрд для выплаты знешняга дзярждоўгу не павінна стаць невырашальнай праблемай для Следчага камітэта.
0
Danik / Адказаць
27.02.2013 / 05:32
- Пецька, дык там хібы друку: не АДШУКАНЬНЕ, А АШУКАНЬНЕ на $3 млрд.!
0
полковник Попеску / Адказаць
27.02.2013 / 13:19
Конечно не проблема. В Румынии эти деньги "отец румынского народа" взял из кармана румынского народа ))))))
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру