Ладуцька: Да ўладальнікаў аб'ектаў-даўгабудаў трэба прымяняць больш жорсткія меры
Да ўладальнікаў аб’ектаў звышнарматыўнага незавершанага будаўніцтва трэба прымяняць больш жорсткія меры.Аб гэтым заявіў сёння на пасяджэнні старшыня Мінгарвыканкама Мікалай Ладуцька.
Паводле слоў Ладуцькі, за такія будынкі і збудаванні ўласнікі павінны плаціць павышаны зямельны падатак, або тэрыторыі будуць адбіраць на карысць горада.Цяпер каэфіцыент стаўкі падатку на зямлю да такіх аб’ектаў складае 2, прапануецца ініцыіраваць павелічэнне яго памеру ў пяць разоў да 10.
«Гэта стане стымулам да хутчэйшага завяршэння работ або зносу будынкаў, іх продажу.Нельга дапускаць даўгабудаў, якія прыводзяць да эканамічных страт, вымывання абаротных сродкаў», — сказаў Мікалай Ладуцька.
Як паведаміў намеснік старшыні камітэта будаўніцтва і інвестыцый Мінгарвыканкама Аляксандр Сцяпанаў, усяго ў горадзе на 1 лютага налічвалася 337 аб’ектаў звышнарматыўнага незавершанага будаўніцтва, што амаль на 40 працэнтаў менш, чым на аналагічную дату мінулага года. Пастаўлена задача ў бягучым годзе значна скараціць аб’ём звышнарматыўнага будаўніцтва, сканцэнтраваць сродкі на такіх праектах, а не пачынаць новыя. Разам з тым не заўсёды ўдаецца ўздзейнічаць на ўласнікаў для прыняцця імі мер, не да ўсіх прымяняюцца павышаючыя падатковыя каэфіцыенты. Так, з 96 правераных аб’ектаў толькі па 45 падатак павышаны.
Асуджаны за «Гаюн» да хіміі брат Ігара Лосіка ўцёк з Беларусі3
Каментары