28.02.2013 / 20:43

Бенедыкт XVI: Узыходжу на апошні перавал свайго жыцця 12

«Entro nell’ultimo passo della mia vita, vita del semplice pellegrino… Vi benedico alla fine… / Узыходжу на апошні перавал свайго жыцця, жыцця звычайнага пілігрыма… Бласлаўляю вас наапошку…« — словы папы Бенедыкта XVI, якога сёння верталётам даставілі з Ватыкана ў загараднюю рэзідэнцыю папаў Кастэльгандольфа. Там ён апошні раз паблаславіў паству.

Перад ягоным адлётам з Рыма тлум на плошчы Святога Пятра скандаваў: «Дзя-ку-ем!».

Паўнамоцтвы папы сканчаюцца сёння, а 22-й гадзіне. Новага папу абяруць цягам двух тыдняў.

Бенедыкт XVI сышоў на спакой у 85 гадоў, спасылаючыся на слабыя сілы і здароўе. Гэта першы выпадак за 600 гадоў, што папа не дабыў на Пасадзе да скону. Бенедыкт XVI думаў пра такі выбар ад пачатку, бо адразу пасля абрання папрасіў вернікаў маліцца, каб «пастыр не збаяўся ваўкоў».

0
sid / Адказаць
28.02.2013 / 21:06
Цікава, у чым усё ж сапраўдная прычына зыходу Папы? Не веру я ў версію слабога здароў'я. Ніводны Папа ў канцы свайго жыцця не меў ідэальнага здароў'я, Але зышоў толькі сп. Райцынгер.
0
кінік / Адказаць
28.02.2013 / 21:14
sidu: вы лічыце, што Папа хлусіць?
0
усе словы нашыя / Адказаць
28.02.2013 / 21:23
наапошку, тлум скандаваў.. але - сышоў на спакой.. Апошняе - калька, а наапошку запомню
Паказаць усе каментары/ 12 /
Каб пакінуць каментар, калі ласка, актывуйце JavaScript у наладах свайго браўзеру