У Мінску з’явіліся падробленыя грашовыя знакі Нацыянальнага банка Рэспублікі Беларусь,паведаміла 6 сакавіка ГУУС Мінгарвыканкама. Інфармацыя пададзена ўпраўленнем па барацьбе з эканамічнымі злачынствамі ГУУС.
Міліцыя папярэджвае, што пры выяўленні банкнот, якія выклікалі сумненне ў іх сапраўднасці, нельга паведамляць прад’яўніку, што яго грошы фальшывыя. Таксама не варта вяртаць банкноту і па магчымасці неабходна націснуць кнопку трывожнай сігналізацыі (калі такая ёсць), а таксама паведаміць у міліцыю пра спробу збыту падробленых банкнот па тэлефоне 102.
Калі ён прыбыў на аўтамабілі, неабходна запомніць колер, марку машыны, яе дзяржаўны нумар. Калі кліенту ўдалося ўцячы, па магчымасці неабходна запісаць прозвішчы відавочцаў падзей.Неабходна запомніць прыкметы збытчыка і яго суправаджальнікаў.
адсутнасць на купонным полі вадзянога знака ці яго імітацыя шляхам нанясення белым фарбавальнікам; адсутнасць або імітацыя ахоўнай ніткі з мікратэкстам «НБРБ» і каляровых ахоўных валокнаў у тоўшчы паперы; невыразнасць малюнка; адсутнасць рэльефнасці ў лічбавым пазначэнні наміналу; свячэнне падробленай купюры блакітным святлом пад ўльтрафіялетавымі промнямі; фарба можа занадта блішчаць або «расплывацца» пры ўвільгатненні паперы; няроўныя краі купюр.Асноўныя прыкметы падробленых банкнот:
У ГУУС заявілі, што пры садзейнічання ў злаўленні асоб, якія займаюцца вырабам і збытам падробленых грашовых знакаў, або пры падаванні інфармацыі, што будзе спрыяць затрыманню фальшываманетчыкаў, гарантуецца ўзнагарода і ананімнасць.
0
0
0
0
0
0