06.08.2007 / 06:28

376-е папярэджаньне Расеі

Калі да канца тыдня Беларусь не аплаціць астанюю частку доўгу, «Газпром» зьменшыць пастаўкі на 30%, заявіў прадстаўнік «Газпрому».

Калі праз тыдзень, у адпаведнасці з дамоўленасцямі, дасягнутымі 3 жніўня, Беларусь не выплаціць астатнюю частку доўгу, ААТ «Газпром» скароціць пастаўкі газу «прапарцыянальна фактычнай аплаце» - на 30%. Пра гэта вечарам 3 жніўня ў прамым эфіры радыёстанцыі «Эхо Москвы» заявіў прэс-сакратар старшыні праўлення ААТ «Газпром» Сяргей Купрыянаў. «Калі зусім даць поўную свабоду ў гэтым пытанні, то ніякіх гарантый таго, што мы атрымаем нашы грошы, не будзе», - зазначыў прадстаўнік «Газпрома».

Нагадаем, 3 жніўня «Белтрансгаз» зрабіў першы плацеж у 190 млн. долараў, пасля чаго «Газпром» даў Беларусі адтэрміноўку па поўнай выплаце доўгу да 10-й гадзіны 10 жніўня.

Як зазначыў С.Купрыянаў, ААТ "Газпрам" пры перамовах разумела, «што за спінай кантракт і як трэба дзейнічаць, каб дамагчыся яго выканання беларускім бокам».

Каментуючы сітуацыю з расійскім крэдытам, які не быў выдадзены Беларусі, С.Купрыянаў падкрэсліў, што «звязваць гэтыя пытанні з плацяжамі за газ не зусім карэктна», бо «Газпром» «яшчэ ў чэрвені заплаціў 625 мільёнаў долараў за 12 працэнтаў акцый «Белтрансгазу».

Каб пакінуць каментар, калі ласка, актывуйце JavaScript у наладах свайго браўзеру