11.03.2013 / 15:10

Google прэзентаваў гаворачыя красоўкі - відэа 3

Кампанія Google сумесна з Adidas прэзентавала новую мадэль красовак, яны цяпер і размаўляюць.

На фестывалі SXSW 2013, які праходзіць у Тэхасе, Google і Adidas прэзентавалі сумесную мадэль абутку, якая воклічамі падахвочвае ўладальніка рухацца і займацца спортам.
У тэхналагічную навінку ўбудаваны акселерометр, гіраскоп, датчыкі ціску і сэнсары руху. Дынамік размешчаны ў «язычку» абутку, і акрамя заклікаў да бегу ведае каля 250 камандаў.
У іх ліку падбадзёрванне, аналіз сітуацыі і іронія (калі чалавек не рухаецца, абутак паведамляе, што ён падобны на статую).

Красоўкі падладжваюцца пад звычкі карыстальніка і могуць быць падлучаныя да любога гаджэта з дапамогай Bluetooth.

Серыйнага продажу «разумнага абутку» не чакаецца.
Мадэль створана ў рамках праекта Art, Copy and Code, які разлічаны на вынаходніцтва новых рэкламных механізмаў для звыклых трэндаў (у гэтым выпадку бег).

Так што карыстальнікам падобным на «статую» па-ранейшаму прыйдзецца шукаць матывавацыю сваімі сіламі.

0
Віталь / Адказаць
11.03.2013 / 16:25
У боты беларускіх спецназаўцаў і амапаўцаў панаўстаўляць бы!. Падчас разгонаў весялуха будзе.))
0
Polka / Адказаць
11.03.2013 / 17:51
Прыeмнa рaзмaўляць з yлacнымi бoтaмi?
0
Во як! / Адказаць
12.03.2013 / 22:25
Віталь, калі яны, як заяўлена, умеюць камунікаваць праз вэб, то яны, чаго добрага, могуць учыніць змову! Гэткае паўстаньне ботаў! ))
Каб пакінуць каментар, калі ласка, актывуйце JavaScript у наладах свайго браўзеру