Бойка адбылася вечарам 8 сакавіка ў Лунінецкім рэстаране «Юна». У выніку бойкі 22-гадовы лунінчанін у цяжкім стане дастаўлены ў бальніцу.
Пра гэта распавёў намеснік начальніка Лунінецкага райаддзела Следчага камітэта Леанід Ванюк.
У дачыненні да 30-гадовага непрацуючага лунінчаніна распачата крымінальная справа па частцы 1 артыкула 147 Крымінальнага кодэкса. Падазраваны ужо быў раней судзімы за ўчыненне цяжкага злачынства. Ён пакуль на волі, але, магчыма, яго возьмуць пад арышт.