11.03.2013 / 21:22

Украінская журналістка збегла з палону ў Сірыі, у якім была 5 месяцаў 8

Журналістка Анхар Кочнева, выкрадзеная сірыйскімі баевікамі, бегла з палону ў панядзелак. Кочнева знаходзіцца ў Дамаску і ўжо звязалася з украінскім пасольствам.

«Сёння раніцай яна збегла. Мы з ёй пару хвілін размаўлялі па тэлефоне. Яна распавяла, што людзі давезлі яе да Дамаска», — цытуе «Інтэрфакс-Украіна» сваяка журналісткі Дзмітрыя Астафурава.

МЗС Украіны паведамляў раней, што баевікі апазіцыйнай Свабоднай сірыйскай арміі (ССА) выкралі журналістку ў раёне горада Хомс 9 кастрычніка.

Грамадзянка Украіны Анхар Кочнева працавала пазаштатным карэспандэнтам расійскага інфармацыйнага партала Утро.ру і займалася суправаджэннем расійскіх журналістаў, а таксама супрацоўнічала з тэлеканалам Russia Today.

Як распавяла сама Кочнева, яе трымалі ў адным з паўднёвых прыгарадаў Хомса, і яна была палонніцай начальніка ваеннай рады ССА ў гэтым рэгіёне.

Па словах журналісткі, пасля 40 дзён з моманту выкрадання з ёй сталі абыходзіцца горш, «сталі крыўдзіць», і цяпер ёй трэба будзе доўга лячыцца.

Журналістцы ўдалося самастойна выбрацца з дому, дзе яе ўтрымлівалі баевікі, пасля чаго яна схавалася ад пераследчыкаў у гарах і прайшла больш за 15 кіламетраў, пакуль не знайшла людзей, якія дапамаглі ёй дабрацца да тэрыторыі, што кантралюецца войскамі ўрада.

Выкрадзеная журналістка кажа, што сама спланавала і ажыццявіла ўцёкі з палону.

У снежні 2012 года баевікі заявілі ў відэазвароце аб намеры забіць журналістку, якую яны называлі «шпіёнку з Украіны», калі не атрымаюць выкуп у 50 млн даляраў, а таксама пагражалі нападам на пасольства Украіны і Расіі.

Украінская журналістка паслядоўна выступала ў падтрымку афіцыйных сірыйскіх уладаў. Яна называла апазіцыянераў «праплочанымі з-за мяжы бандытамі». Па словах Кочневай, улады Сірыі гатовыя да дыялогу, аднак у ім не зацікаўлены процілеглы бок.

0
легенды і міты / Адказаць
11.03.2013 / 21:42
Можа лжэ па заданні Рашытудэй?
0
2 легенды і міты / Адказаць
11.03.2013 / 22:05
Рашатудей, может быть и врёт (скорее всего врет), но брать людей в плен и требовать выкуп - это терроризм. Увы, как бы плох не был Асад - с ним воюют бандиты. И не будет там ни покоя ни мира и любви.
0
Васіль Шэлехаў / Адказаць
11.03.2013 / 23:09
Тэрарысты звычайныя. Калі яны не горш за ўрад Асада, дык дакладна не лепш. Увогуле, магу толькі паспачуваць сірыйскаму народу, бо бліжэйшыя дзесяцігоддзі будуць для іх сапраўдным пеклам... Рэвалюцыі заўсёды прыносяць толькі смерць.
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру