Сёння ў сталічным метро распылілі газ? Міліцыя праводзіць праверку 6

Сталічная міліцыя праводзіць праверку па інфармацыі аб распыленні пярцовага газу ў мінскім метро, у пераходзе паміж станцыямі «Кастрычніцкая» і «Купалаўская».

Пра гэта паведаміў прэс-сакратар ГУУС Мінгарвыканкама Аляксандр Ластоўскі.

Паводле звестак некаторых інтэрнэт-рэсурсаў, інцыдэнт адбыўся днём 12 сакавіка.

Пакуль, паводле слоў Ластоўскага, інфармацыя не пацвярджаецца, у тым ліку супрацоўнікамі міліцыі, якія нясуць службу ў метро. Ні заяў пра здарэнне, ні скаргаў ад пацярпелых не паступала.

Тым не менш, як адзначыў прэс-сакратар ГУУС, органы ўнутраных спраў звяртаюцца да грамадзян, якім штосьці вядома пра згаданы інцыдэнт, паведаміць пра гэта па тэлефоне 102.

БелаПАН

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ