Жыхар Берасцейшчыны асуджаны за арганізацыю каналу перапраўкі нелегалаў у Польшчу 1

У Брэсце сёння вынесены прысуд аднаму з арганізатараў канала перапраўкі ў Польшчу нелегальных мігрантаў. Аб гэтым паведаміў начальнік прэс-службы Брэсцкай памежнай групы ім. Ф. Дзяржынскага Аляксандр Кіслоў.

29-гадовы жыхар Брэсцкага раёна прызнаны вінаватым у арганізацыі незаконнага ўезду на тэрыторыю Беларусі, выезду з краіны замежных грамадзян па папярэдняй змове.

Яго дзеянні кваліфікаваныя па ч. 2 арт 371–1 КК, на падставе якой

яму прызначана пакаранне ў выглядзе чатырох гадоў пазбаўлення волі з канфіскацыяй усёй маёмасці, якая належыць яму, і з адбыццём пакарання ў папраўчай калоніі ва ўмовах узмоцненага рэжыму.

Прысуд можа быць абскарджаны ў касацыйным парадку.

Факт спробы незаконнага пераходу з Беларусі на тэрыторыю Польшчы 8 грамадзянамі Індыі, брэсцкія памежнікі спынілі 15 мая 2012 года.

Замежнікаў затрымалі падчас пераадолення сігналізацыйнага комплексу па канатнай дарозе. Пры гэтым былі затрыманыя і іх памагатыя з абодвух бакоў. Праз некаторы час знайшлі арганізатараў канала перапраўкі нелегальных мігрантаў. Імі выявіліся двое грамадзян Беларусі — жыхары Брэста і Брэсцкага раёна. Адзін з іх, якому сёння вынесены прысуд, быў затрыманы праваахоўнымі органамі праз два месяцы пасля інцыдэнту на мяжы. Другі — берасцеец — пакуль застаецца ў вышуку.

БелТА

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ