13.03.2013 / 18:38

Папраўкі ў закон «Аб рэкламе» забароняць выкарыстанне слоў «падарунак», «бясплатна» і «0 рублёў», калі паслуга прадугледжвае аплату 2

Папраўкі ў закон "Аб рэкламе", якія набудуць моц у ліпені гэтага года, забароняць выкарыстоўваць словы "падарунак", "бясплатна", "0 рублёў" і падобныя, калі ажыццяўленне рэкламаванай паслугі прадугледжвае аплату.
Аб гэтым паведаміла намеснік міністра гандлю Ірына Наркевіч.

Паводле яе слоў, папраўкі прадугледжваюць забарону рэкламы дзейнасці асоб, не зарэгістраваных у якасці арганізацый і індывідуальных прадпрымальнікаў па прыцягненні грашовых сродкаў, электронных грошай і іншай маёмасці. "Гэта робіцца ў мэтах спынення фінансавых пірамід", — патлумачыла Наркевіч.

Папраўкамі ў закон таксама прадугледжана, што

аператары сувязі, якія ўключаюць у дагавор згоду абанента на атрыманне рэкламы, павінны будуць дадаткова праінфармаваць абанента аб яго праве адмовіцца ад рэкламы.

Акрамя таго, у рэкламе банкаўскага ўкладу з'явіцца папярэджанне аб праве банка памяншаць працэнты па ўкладзе або дэпазіце.

Разам з тым, падкрэсліла Наркевіч, Мінгандлю мае намер надаць асаблівую ўвагу рэкламе, якая ўводзіць спажыўца ў зман аб характарыстыках тавараў і паслуг праз прадастаўленне няпоўнай інфармацыі. "Калі ў магазіне нейкі сезонны распродаж, гэта значыць новая калекцыя з'явілася, то старую калекцыю прадаюць са скідкай і пішуць "мінус 50%". Усё зразумела. У нас жа пішуць, што скідкі "да 70%": нейкая адна рэч ёсць па такой скідцы і ўсё.

Прыдумалі нейкія скідкі ад гандлёвых надбавак — людзі не разумеюць. Скідка павінна быць ад цаны тавару, не ад гандлёвай надбаўкі. Думаю, мы прапішам гэта ў законе", —
сказала Наркевіч.

0
Варган / Адказаць
13.03.2013 / 20:18
Папраўкі ў закон «Аб рэкламе» забароняць выкарыстанне слоў «падарунак», «бясплатна» і «0 рублёў», калі паслуга прадугледжвае аплату. ----------- Іх заменяць словы "прэзент", "дарма" і "1 рубель".
0
STATiK / Адказаць
13.03.2013 / 21:15
Рэкламу патрэбна максімальна прывесці да карэляцыі тавару і яго рэкламы. А не купі пачак гаўна і атрымай у дадатак маленькі пачочак гауняца за 0 рублёў (кошт другога пачку ўключаны ў кошт першага, хехехе)...
Каб пакінуць каментар, калі ласка, актывуйце JavaScript у наладах свайго браўзеру