18.03.2013 / 17:41

У 2012 г. у аграэкасядзібах адпачылі 185 тыс. чалавек 12

Аграэкатурызм стаў самым паспяховым відам турызму ў Беларусі ў 2012 годзе.
Такую думку выказала начальнік аддзела маркетынгу і якасці турыстычных паслуг дэпартамента па турызме Міністэрства спорту і турызму Юлія Копаць 18 сакавіка на прэс-канферэнцыі ў Мінску.

Паводле яе слоў, усяго летась у Беларусі налічвалася 1.775 сельскіх сядзіб, якія прымалі турыстаў, тады як у 2011 годзе — крыху больш за паўтары тысячы.

Але пры гэтым выручка ад паслуг аграэкатурызму павялічылася ў 2 разы, і ў 2012 годзе яна склала 44 млрд., тады як у 2011 годзе — 20 млрд.

«Безумоўна, нейкую ролю адыграў і натуральны рост цэн на паслугі, але адначасова мы мяркуем, што аграэкатурызм развіваецца і апрача асноўных, напрыклад начлег, аказваецца большая колькасць спадарожных паслуг. Турысту стала больш цікава, і ён пакідае больш грошай на сядзібе», — сказала Копаць.

Паводле яе слоў, усяго летась у аграэкасядзібах адпачылі 185 тыс. турыстаў, што на 40% больш у параўнанні з мінулым годам. Большасць наведвальнікаў сядзіб — беларусы.

Апрача таго, сядзібы наведвалі іншаземцы з больш чым 50 краін, у тым ліку Расіі, Германіі, ЗША, Аўстраліі, Новай Зеландыі.

Як зазначыла Копаць, летась апрача прыватных асоб у сферы аграэкатурызму працавалі таксама 34 сельскагаспадарчыя арганізацыі.

Апрача таго, адзначаецца тэндэнцыя да супрацоўніцтва гаспадароў сядзіб паміж сабой, стварэння гэтак званых «аграэкатурыстычных кластараў». З’явіліся прыклады супрацоўніцтва аграэкасядзіб з рознымі культурнымі і спартыўнымі арганізацыямі.

Як паведаміла начальнік аддзела арганізацыйнай працы, аздараўлення насельніцтва і турызму ўпраўлення фізічнай культуры, спорту і турызму Мінскага абласнога выканаўчага камітэта Інга Малашкевіч, лідарам па колькасці аграэкасядзіб з’яўляецца Мінская вобласць, у якой зарэгістраваныя 412 суб’ектаў гаспадарання. Большая частка з іх размешчана ў раёнах, якія знаходзяцца недалёка ад сталіцы. Летась аграэкасядзібы Мінскай вобласці прынялі амаль 85 тыс. турыстаў. Іх выручка склала 18 млрд. 662,4 млн. рублёў. У сярэднім па Мінскай вобласці кожным суб’ектам аграэкатурызму ў 2012 годзе зароблены 48,3 млн. рублёў.

Хочаш падзяліцца важнай інфармацыяй ананімна і канфідэнцыйна?

0
магда / Адказаць
18.03.2013 / 17:53
Пародия на агроэкотуризм, владельцы живут в городах, в найм предоставляют дом при налоге в одну базовую в год и имеют сверхприбыль. Стоимость суток проживания в "усадьбе" = стоимости суток проживания в Крыму или белорусском санатории. Баня, водка, девки - вот и весь туризм. Ничего национального здесь нет: ни кухни, ни традиций. Владельцы даже огородов и скота не держат. По-хорошему это мини-гостиницы или придорожный сервис. Должны и налоги платить соответствующие.
0
Кейстут / Адказаць
18.03.2013 / 18:01
Магда, жаба душыць? Калі там такія лёгкія грошы - займіцеся і вы гэтым бізнэсам.
0
магда / Адказаць
18.03.2013 / 18:18
При чём тут жаба? Я хорошо знаю эту сферу, поверьте, что владельцы не простые сельские жители, которые держат свиней и коров. Хорошая ширма для отмывки денег. Это бизнес богатых. Деревне и сельчанам с этого ни холодно ни жарко.
Паказаць усе каментары/ 12 /
Каб пакінуць каментар, калі ласка, актывуйце JavaScript у наладах свайго браўзеру