20.03.2013 / 09:57

Гавары правільна: Красная плошча, а не Чырвоная, Красны Бор, а не Чырвоны 47

«Чаму Красная плошча? Чырвоная!» — не першы раз натыкаюся на такі камент чытача.

Няправільна!

Плошча Красная, бо «Красная» тут не ў значэнні колеру, а ў значэнні «прыгожая». Гэта старое, паэтычнае слова. Ёсць прымаўка: «Не радзіся красны, а радзіся шчасны».

Усё, што звязана з колерам, — чырвонае: Чырвоная армія, чырвоны яблык, чырвоная ружа, чырвоная каліна.

А на ўсё з красой звязанае па-беларуску кажуць: краснае пісьменства, Красны Бор (раён у Мінску), Краснаполле, Красны Бераг, прыўкрасны. Грыб падасінавік называюць яшчэ «краснюк», бо надта ж ён харошы.

Дарэчы, дзве Красныя плошчы адвеку ёсць і ў Беларусі: у Будславе і Ветцы.
Яны Красныя, бо харошыя, прыгожыя, файныя, пекныя, гожыя.

Рэд.

0
кіяскёр / Адказаць
20.03.2013 / 10:11
І ад тайгі да Брытанскіх марей.Красная армія ўсіх прыгажей. Парам папам пам!!!
0
бабка Ганна / Адказаць
20.03.2013 / 10:17
А я буду казаць "Чырвоная". xай і не правільна. Мне так больш падабаецца
0
??? / Адказаць
20.03.2013 / 10:17
а навошта писали калгас "Свитанак", а не "Рассвет", вядомы на увесь ссср?
Паказаць усе каментары/ 47 /
Каб пакінуць каментар, калі ласка, актывуйце JavaScript у наладах свайго браўзеру