31.03.2013 / 11:48

З гэтых «Жалудоў» вырастуць дрэвы! 1

Лэйбл MZ production сумесна з кампаніяй «Вігма» прэзентуюць складанку беларускамоўнага рэпа.

Лэйбл MZ production (https://vk.com/mzpro) сумесна з кампаніяй «Вігма» прэзентуюць складанку беларускамоўнага рэпа, якая атрымала назву «Жалуды». На CD сабраныя песні больш дзесятка рэпераў, сярод якіх такія прадстаўнікі хіп-хоп культуры Беларусі, як Vinsent, Вожык, IQ48, Zeman (Чырвоным па Белым), SP Kava (PANaNieba), Міхась Дуброўка, Патрон, MikZa, Meehanik і інш. Дыск ужо з'явіўся ў продажы!

Хіп-хоп выканаўцы Беларусі не выступаюць на «Славянскім кірмашы» і на адкрыцці «Дажынак», не заяўляюцца на «Еўрабачанне». І, як правіла, не збіраюць стадыёны слухачоў (хоць вось на канцэрт Макса Каржа, напрыклад, спрадалі ўсе квіткі ў Палац Спорту).
Аднак гэта, вядома, не значыць, што ў Беларусі рэп ніхто не чытае. Варта паглядзець расклад канцэртаў у клубах — і стане зразумела, што хіп-хоп у нашай краіне прадстаўлены шырока і развіваецца, нягледзячы ні на што. У большасці выпадкаў выканаўцы чытаюць рэп па-руску, але і беларускамоўных кампазіцый у інтэрнэце можна адшукаць некалькі сотняў. Нават той, хто ніколі не верыў у існаванне рэпу па-беларуску, напэўна чуў кананічную песню «Цуд на каляды» Аляксандра Памідорава.

Трэкліст:

01. Патрон — «Нармалёва»

02. Jentellmen feat. MikZa — «Музыка»

03. Базыль Мялешка — «Ідзі далей!»

04. SP Kava feat. Zeman — «Наступны раўнд»

05. IQ48 feat. Vinsent — «Дай сілы!»

06. Zetena — «Жывая вада»

07. Zeman feat. Meehanik — «Бясконцая вандроўка»

08. Міхась Дуброўка — «Хопіць піць»

09. Pradmova — «Забудзь»

10. Вожык — «Карсары»

11. MC Marmelad — «Каханая»

12. Zenon — «Літвіны»

13. Антось Звычайны feat. Алеся Звычайная feat. Валерый Станкевіч — «Не для цябе»

14. Fly — «Чакаць і спадзявацца»

Продаж:

1. +37544 563-26-52 (з бясплатнай дастаўкай па лініі мінскага метрапалітэна)

2. У фірмовых крамах кампаніі «Вигма» (сталіца і рэгіёны)

Вітаўт

0
Леанід Ільіч / Адказаць
28.07.2014 / 14:03
Ну стыль тут яўна не таго Вітаўта, каторы пісаў пра белмаскульт тут http://belmusic.org/reviews/rapzhaludycd.html Яшчэ нейкага Коржыка прыплялі. Дык навошта такія фікцыі, калі няма сапраўднага прозьвішча аўтара? І ня варта блытаць словы "базар" і "кірмаш", гэта крыху розныя рэчы.
Каб пакінуць каментар, калі ласка, актывуйце JavaScript у наладах свайго браўзеру