21.03.2013 / 20:04

ААН аднагалосна падтрымала Бяляцкага 4

У сённяшняй рэзалюцыі Рада ў правах чалавека ААН асудзіла практыку крымінальнага пераследу праваабаронцаў з-за крыніц паходжання іх фінансавання.

«Гэта моцны сыгнал падтрымкі ад ААН праваабаронцам ва ўсім сьвеце, якім не дазваляюць атрымліваць фінансаваньне, якіх пазбаўляюць легітымнасьці і супраць якіх узбуджаюць крымінальныя справы за іх праваабарончую дзейнасьць» – пракамэнтавала рэзалюцыю Сугайр Бэльхасэн, старшыня Міжнароднай фэдэрацыі правоў чалавека.

У прэс-рэлізе з нагоды гэтай рэзалюцыі міжнародныя праваабаронцы падкрэсьліваюць, што яна мае непасрэднае дачыненьне да справы Алеся Бяляцкага, якога, паводле заключэньня Працоўнай групы ААН у справе неабгрунтаваных затрыманьняў, асудзілі ў Беларусі ў парушэньне міжнародных абавязаньняў краіны ня ўмешваецца ў фінансаваньне дзейнасьці недзяржаўных праваабарончых арганізацый.

Рэзалюцыю прапанавала Нарвэгія, да якой далучыліся 62 іншыя краіны. Рэзалюцыя была прынятая шляхам кансэнсусу.

0
re / Адказаць
21.03.2013 / 20:52
ну цяпер трэба датрасьці гэту грушу ...
0
нехта / Адказаць
21.03.2013 / 21:12
на гэтым, на вялікі жаль, усё і скончыцца. ведаем мы гэтых ААНаўцаў.
0
Nasz / Адказаць
22.03.2013 / 07:26
Ага, мы будзем ціхенька сядзець, а ААНаўцы прышлюць войска і возьмуць штурмам магілёўскую турму...
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру