24.03.2013 / 15:23

Асцярожна, хіпі! — Архіўныя карыкатуры з савецкага «Вожыка» 14

Субкультурная моладзь вачыма савецкай прапагады.

Субкультура хіпі з’явілася ў Злучаных Штатах і Вялікабрытаніі ў сярэдзіне 1960-х, і ўжо да канца дзесяцігоддзя доўгавалосую моладзь можна было сустрэць у кожным буйным горадзе еўрапейскай часткі СССР. Не быў выняткам і Мінск. Слова «хіпі» ў дачыненні да мясцовых маладзёнаў канца 60-х — пачатку 70-х трэба выкарыстоўваць з пэўнай асцярожнасцю, бо самі сябе яны рэдка так называлі. Але ніякае іншае слова не прыжылося.

Хутка хіпі так намулялі вока партыйным работнікам, што з імі пачалі змагацца не толькі паліцэйскімі (аблавы, збіццё, прымусовая стрыжка), але і ідэалагічнымі сродкамі. Орган ЦК КПБ, часопіс «Вожык», ледзь не ў кожным нумары публікаваў карыкатуры і фельетоны пра моладзь, што збочыла з правільнай дарогі.

Ніжэй падаем некалькі карыкатур з падшывак «Вожыка» за 1970–1972 гады. Хіпі на іх выглядаюць даволі спецыфічна. Яны хуліганы, п’яніцы, абібокі, неахайныя, практыкуюць стыль «унісэкс» (аднолькава доўгія ў дзяўчат і хлопцаў валасы, мешкаватыя швэдры, расклёшаныя джынсы), не шануюць старэйшых, вылучаюцца «нізкапаклонствам перад Захадам» і слухаюць жахлівую музыку.

Праз 40 гадоў гэтыя выявы выглядаюць нібыта бясконца далёкімі. Цяпер можна адрошчваць валасы любой даўжыні, насіць метровыя клёшы, рабіць пірсінг дзе заўгодна і татуявацца ва ўсе колеры вясёлкі. Але метады працы «гумарыстаў» з «Вожыка» штосьці нагадваюць.

Уладзімір Валодзін

0
кузяпанк / Адказаць
24.03.2013 / 16:25
смешна i цяпер)
0
Я / Адказаць
24.03.2013 / 18:48
У шмат чым і сёння трапныя малюнкі.
0
Вадзім / Адказаць
24.03.2013 / 19:38
"смешна i цяпер".... Дай Бог каб тыя "смешныя" часы, калі выказваць сваю думку, з'яуляцца тым кім хочаш быць, а не тым кім (і якім) быць патрэбна (з пункту погляду малаадукаваных халуёў пры ўладзе) ніколі не вярнуліся.... Колькі добрых людзей пакутавала за сваю асабістась альбо ад жорсткага "приказного пропесочивания"..... P.S. Ну і дзе "смешны і чэсны" "вожык" зараз.... нажаль толькі что падыходы яго, ды і ўладаў, да людзей засталіся тамі ж як і былі
Паказаць усе каментары/ 14 /
Каб пакінуць каментар, калі ласка, актывуйце JavaScript у наладах свайго браўзеру