Пра гэта ён расказаў у інтэрв’ю ўкраінскаму парталу mignews.com.ua.
«Я памятаю, як мне крычалі некаторыя з маіх калегаў, калі я ад’язджаў працаваць у Кіеў: „Што, пацук, бяжыш? Пацягнуўся па вялікія грошы? Ну і едзь, перабежчык!“ І што вы думаеце? Усіх без выключэння гэтых людзей праз нейкі час я сустрэў у Кіеве ці Маскве. А тое, што з’язджаю не адзін я, на жаль, ужо сімптом», — кажа Шэпелеў.
Журналіст расказаў, што працаваць на тэлебачанні ў Беларусі немагчыма.
«На жаль, мне там няма чым займацца, бо там няма камерцыйнага тэлебачання — толькі дзяржаўнае», — сказаў ён.
Таксама Зміцер Шэпелеў, які жыве ў Маскве ўжо пяць гадоў, прызнаўся, што яму не раз прапаноўвалі расійскае грамадзянства.
«Мае найбліжэйшыя сябры — з Менска, з імі я рос і вучыўся ва ўніверсітэце. Ёсць яшчэ парачка журналістаў з Кіева, з якімі я пасябраваў за ўвесь час працы тут. Масквічом сябе не адчуваю, больш за тое, не адчуваю сябе нават расійцам. Я не планую адмаўляцца ад беларускага грамадзянства, нягледзячы на складанасці, якія маю ад свайго роднага сіняга пашпарта. Не буду хаваць, мне прапаноўвалі прыняць расійскае грамадзянства, але я адмовіўся, таму што для мяне гэта прынцыпова», — сказаў ён.
У Беларусі журналіст працаваў на
