Францускі фатограф Джэф Баніфасіно прэзэнтуе фотакалекцыю з Вольскім, Арловым, Вайцюшкевічам, нашаніўцамі.
У Галерэі Шчамялёва 15 жніўня адкрыецца пэрсанальная выстава францускага фотамастака Джэфа Баніфасіно «Менск. Партрэты».
Джэф Баніфасіно здымае ва ўсім сьвеце. Беларусь прыцягнула маладога фатографа як месца, дзе пульсуе жыцьцё, адбываюцца падзеі і людзі жывуць на лязе часу. Здымаў ён збольшага людзей культуры й мастацтва: артыстаў, інтэлектуалаў, танцораў.
Выстава прыедзе ў Менск з Парыжу, дзе экспанавалася ў галерэі «Халадзільнік».
Галерэя Шчамялёва знаходзіцца на праспэкце Ракасоўскага, што ў Серабранцы.
0
0
0
0
0
0
