10.08.2007 / 13:22

У Карлавым унівэрсытэце будзе выкладацца беларуская мова 5

Ад новага акадэмічнага году будзе ўведзены двухсэмэстравы курс беларускай мовы для пачаткоўцаў пад кіраўніцтвам доктара Юрася Бушлякова.

Інстытут славістычных й усходнеэўрапейскіх ведаў філязофскага факультэту Карлава ўнівэрсытэту ўводзіць курс беларускай мовы. З ініцыятывай увядзеньня курсу беларушчыны выступілі самі студэнты:

«Беларуская мова, без сумневаў, ёсьць культурнаю спадчынай Эўропы. Гэта скарб, дадзены Вялікім княствам Літоўскім, скарб з сваімі асаблівасьцямі, старажытнасьцю й чысьцінёй, які займае пачэснае месца ў сям’і славянскіх моваў і які на сёньняшні дзень, на жаль, знаходзіцца пад вялікай пагрозай».

І вось ад кіраўніцтва прыйшла добрая навіна: ад новага акадэмічнага году будзе ўведзены двухсэмэстравы курс беларускай мовы для пачаткоўцаў пад кіраўніцтвам доктара Юрася Бушлякова.

Дэкан філязофскага факультэту доктар Міхал Стэглік (Michal Stehlík) у афіцыйным лісьце з гэтай нагоды выказаў спадязваньне, што вывучэньне беларускай мовы стане крокам на шляху ўзаемаразуменьня й больш цесных стасункаў з усімі люзьмі дэмакратычных поглядаў на Беларусі.

Фота Slimejs cs.wikipedia

Мілан Мінаржык

0
АА / Адказаць
10.08.2007 / 14:23
Супер!!!
0
paval / Адказаць
10.08.2007 / 15:02
dziakui za geta, vel'mi pruemna shkada u nashai kraine takoga niama
0
Алесь Хорса / Адказаць
10.08.2007 / 19:29
Як прыемна! Гэта вельмі-вельмі-вельмі файна!!! Адзінае, у нашых ВНУ мова - табу...
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру