Міхаліс Сарыс у Маскве.
Міністр фінансаў Кіпра Міхаліс Сарыс пакідае сваю пасаду. Афіцыйныя прычыны адстаўкі пакуль не называюцца.
У аўторак прэзідэнт Кіпра Нікас Анастасіядзіс прызначыў судовую калегію для расследавання прычын фінансавага крызісу ў краіне.
Некалькі дзён таму для выратавання ад банкруцтва і ад магчымага выхаду з зоны еўра Кіпр быў вымушаны прыняць жорсткія ўмовы міжнародных крэдытораў.
У канцы сакавіка Міхаліс Сарыс спрабаваў у Маскве дамовіцца пра атрыманне Кіпрам фінансавай дапамогі ад Расіі. Перамовы прайшлі беспаспяхова: Кіпру не ўдалося прыцягнуць расійскія інвестыцыі ні ў свой банкаўскі, ні ў газавы сектар. Масква таксама адмовілася даваць Кіпру крэдыт у 6,5 млрд даляраў.
0
0
0
0
0
0
