03.04.2013 / 17:00

Падземны пераход каля ГУМа і крамы заліло гарачай вадой — фотафакт 5

Прарыў трубы з гарачай вадой у падземным пераходзе на скрыжаванні вуліцы Леніна і праспекта Незалежнасці адбыўся ўначы.
Пацярпелі ўсе гандлёвыя кропкі, якія размяшчаюцца ў пераходзе. Гэта крама сотавага аператара Velcom, дзве тэатральныя касы, крама «Свет дыскаў» і валютны абменнік «Беларусбанка».

Прадаўцы і ўладальнікі кажуць, што даведаліся пра здарэнне толькі сёння, а 9-й, калі прыйшлі на працу. Напрыклад, у тэатральных касах адзначаюць, што ім давядзецца плаціць тэатрам за квіткі на паўгода наперад. Работнікі кажуць, што намоклі грошы ў сейфах, прынтар на стале і нават электралічыльнік.

Галоўны інжынер «Мінскіх цепласетак» Аляксандр Драгун, аднак, кажа, што страты пацярпелым кампенсуе «Белдзяржстрах». Разам з тым ён заяўляе, што некаторыя імкнуцца скарыстацца аварыйнай сітуацыяй і завысіць свае страты.

Прычыну здарэння спецыялісты высвятляць падчас расследавання. Але Драгун абвяргае версію, што прарыў звязаны з тэмпературнымі выпрабаваннямі цепласетак.

0
Кнехт / Адказаць
03.04.2013 / 18:21
А што вы хочаце?! І будзе тапіць! Бо вуліца названа ў імя вялікай сібірскай ракі Лены - Леніна.
0
mikola / Адказаць
03.04.2013 / 18:41
vodu tre sabrac a straty vjarnuc pacjarpelym.....grasyma......
0
Як ніколі актуальна. / Адказаць
03.04.2013 / 18:42
Павялічыць аплату насельніцтвам клёрый на падагрэў вады. Бо аплачваем толькі 30 адсоткаў ад сабекошту.
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру