Кшыштаф Занусі пра звальненне прафесара Шведа: Беларусы самі павінны выказацца
Сусветнавядомы польскі рэжысёр з'яўляецца ганаровым прафесарам Гродзенскага ўніверсітэта.
Ганаровы прафесар Гродзенскага дзяржаўнага ўніверсітэта імя Янкі Купалы Кшыштаф Занусі лічыць недапушчальным пераслед акадэмічнай супольнасці ў Гродне:
«Сістэма ў Беларусі — гэта выключэнне, іншай такой краіны ў Еўропе няма. Гэтыя рашэнні недапушчальныя.Гэта ніяк не ўпісваецца ў еўрапейскія стандарты».
А ці гатовыя Вы падключыцца да акцыі салідарнасці са звольненымі выкладчыкамі?
Я не бачу сэнсу пісаць лісты і рабіць нейкія крокі. З уласнага досведу жыцця ў падобнай сістэме я ведаю, што такія жэсты значаць не шмат.Калі ўзнікне такая неабходнасць, то я абавязкова прадпрыму пэўныя крокі. Але сёння я не бачу ў іх сэнсу. На практыцы яны нічога не зменяць.
Гэта справа беларусаў, яны павінны выказвацца на гэты конт. Бо кожны павінен сам змагацца за свабоду.Няхай спачатку яны адкажуць на пытанне: які выбар яны зрабілі, як народ.
***
Нагадаем, нагодай для звальнення гісторыкаў Андрэя Чарнякевіча і Вячаслава Шведа стала іх праца над кнігай па гісторыі Гродна «Гродназнаўства». Мясцовыя ўлады палічылі кнігу крамольнай. Пазней старшыня Гродзенскага аблвыканкама Сямён Шапіра публічна прызнаўся, што асабіста аддаў загад звольніць Андрэя Чарнякевіча
Каментары