гарлапаняць, сікаюцца, не слухаюцца і хлусяць. Суседскія яшчэ і пілікаюць на скрыпцы.
Дзяўчаты ўсе аднолькавыя, таму што ім падабаецца нехта іншы. Заўсёды. Ты добры хлопец, мне з табой вельмі цікава, давай застанемся сябрамі…
Калегі ўсе аднолькавыя: хіхікаюць за спінай, інтрыгуюць, мараць заняць маё месца.
Начальства паўсюль аднолькавае. Патрабуе шмат і ўсюды плаціць мала.
Улада ўсюды аднолькавая: шчыра верыць, што яе любяць.
Апазіцыя ўсюды аднолькавая: сур’ёзна лічыць, што можа выратаваць краіну.
Рэлігія ўсюды аднолькавая. Верыш, не верыш — у панядзелак на працу.
Дактары ўсюды аднолькавыя: усе іх хворыя паміраюць. Дактары, дарэчы, таксама паміраюць, нават зубныя.
Піва ўсюды аднолькавае: у любой прыбіральні знойдуцца доказы.
Хочаце разнастаіць сваё існаванне?
Войска.
Авіяцыя.
Флот.
Пагранічны спецназ.
Тэрытарыяльная абарона.
Зрабіце жыццё насычаным, выпуклым, поўным здаровага сэнсу і энергіі.