08.04.2013 / 16:34

Міліцыя папярэджвае: у Мінску адбываюцца спецыфічныя крадзяжы 11

Мінская міліцыя занепакоеная кватэрнымі крадзяжамі, калі злачынцы пранікаюць у кватэры пад выглядам продажу прадметаў быту або пад іншымі падставамі.

З пачатку года ў Мінску ўчынена 14 такіх крадзяжоў. Схемы здзяйснення такіх злачынстваў маюць некалькі варыяцый, аднак аб'ядноўвае іх адно -- метад падбору аб'екта для крадзяжу.

Ва ўсіх выпадках у дзень здзяйснення злачынстваў жыхарам пад'ездаў, у якіх абкрадаюць кватэры, невядомыя гандляры прапаноўвалі розныя бытавыя дробязі.

Як правіла, смуглявыя жанчыны з цёмным колерам валасоў (магчыма, пафарбаваны ў іншыя колеры) абыходзілі кватэры і прапаноўвалі жыхарам набываць пасцельную бялізну, ручнікі, прадметы жаночай бялізны, посуд па нізкім кошце.

Прычым, як мяркуюць супрацоўнікі крымінальнага вышуку, такі гандаль з'яўляецца толькі прыкрыццём для правядзення г.зв. разведкі па выбары кватэр для крадзяжоў. Самі крадзяжы адбываюцца ў залежнасці ад абставін.

Часам атрымоўваецца ціха выцягнуць з вітальні сумачку, барсетку, кашалёк або верхняе адзенне ў той час, як гаспадары, якія пакінулі незамкнёнымі дзверы, знаходзяцца ў іншым пакоі або на кухні.
Часам дзверы гандляркам адкрывалі старэнькія гараджане, да якіх госці ўмела ўваходзілі ў давер і выкрадалі зберажэнні, сабраныя на чорны дзень. Часам былі такія дзвярныя замкі, якія нескладана было адчыніць нават пілачкай для пазногцяў.
На днях супрацоўнікамі крымінальнага вышуку Заводскага РУУС у мікрараёне Чыжоўка была затрыманая такая парачка. 29-гадовая і 22-гадовая госці з Магілёўскай вобласці хадзілі па пад'ездах на вуліцы Убарэвіча.
Дзверы адной з кватэр аказаліся незамкнёнымі. Літаральна некалькі хвілін гасцям спатрэбілася, каб знайсці месца, дзе захоўваліся грошы і залатыя рэчы. Гаспадыня ў гэты час адпачывала ў пакоі, яе разбудзіў толькі грукат дзвярэй, калі тыя зачыніліся. Убачыўшы, што здзейснены крадзёж, жанчына адразу патэлефанавала ў міліцыю. Падазраваных удалося хутка затрымаць. У ходзе асабістага дагляду ў іх знайшлі скрадзеныя грошы і залатыя ювелірныя вырабы, а таксама вельмі спецыфічную плоскую шрубоўку.

Пазней было ўстаноўлена дачыненне затрыманых да здзяйснення ў гэты ж дзень яшчэ аднаго крадзяжу на суседняй вуліцы Галадзеда -- там было выкрадзена пяць ювелірных рэчаў.

0
віКніК / Адказаць
08.04.2013 / 18:38
Зноў цыганы...
0
надо указывать / Адказаць
08.04.2013 / 19:04
Цыгане, так цыгане. Не понимаю почему это правозащитники требуют не указывать цыган , если они совершили воровство? Не будут воровать цыгане, значит никто и не будет писать и говорить об этом. А что тут криминального? Красть им можно? А то додумались, женщины с темными волосами, да не смешите людей. Беларусы пьют гарэлки много, так и пишут , что беларусы пьют. Вам обидно? Мне нет, бо это правда, хай не пьют.Цыгане ходят по подъездам и воруют, так и писать. Чего бояться правды? Надо, чтобы и дети знали кого остерегаться, где и как. Может ещё скоро начнете писать, что какое-то преступление совершили лица, с рыжими волосами в интимных местах. Цыгане обокрали меня один раз на рынке нормально. Второй раз украли папку с документами и выкуп требовали. Так вот надо , чтоб все знали, что они являются людьми с повышенной опасностью. Не работают, за какие деньги они живут? Ясно за какие. Если беларусы склонны к алкоголизму, а южные народы нет, то чего бояться говорить об этом?
0
балу / Адказаць
08.04.2013 / 19:41
не цыганы а вандроуныя iндусы
Паказаць усе каментары/ 11 /
Каб пакінуць каментар, калі ласка, актывуйце JavaScript у наладах свайго браўзеру