13.08.2007 / 18:25

Памерла Галіна Войцік 4

Сёньня раніцай памерла вядомая віленская беларуская дзяячка Галіна Войцік. Яна была дачкой Зоські Верас і жонкай Лявона Луцкевіча.

Сёньня раніцай у Вільні, на 81-м годзе жыцьця, памерла вядомая беларуская дзяячка, спэцыялімст у старанямецкай мове Галіна Войцік.

Галіна Войцік нарадзілася 1 ліпеня 1927 г. Яна была дачкой Антона Войціка і Зоські Верас. Вучылася ў Віленскай беларускай гімназіі, Віленскім унівэрсытэце. Закончыла асьпірантуру пры Інстытуце замежных моваў у Маскве. Абараніла кандыдацкую дысэртацыю. Выкладала нямецкую мову ў Віленскім пэдінстытуце, працавала на беларускай катэдры Віленскага пэдунівэрсытэту.

Галіна Войцік стварыла нізку "Партрэтаў віленчукоў" пра знакамітых беларускіх дзеячоў, у тым ліку і пра свайго мужа Лявона Луцкевіча, якога яна перажыла роўна на 10 гадоў.

Разьвітацца з Галінай Войцік можна будзе 15 жніўня, у комплексе на вуліцы Аланду, паведамляе ў сваім блогу pgrigas.

Здымак Радыё Свабода

Глядзі яшчэ:
Перадача на Свабодзе да 80-годзьдзя Галіны Войцік

0
Aleś Jurkaviec / Адказаць
13.08.2007 / 18:33
Вечная памяць! Шкада, сыходзіць сапраўдная беларуская Вільня. І ўжо не паціху-памалу.
0
Серж / Адказаць
13.08.2007 / 19:11
Вечны адпачынак дай ей Госпадзе, а святло вечнае няхай ей свецiць.
0
Анатоль Сідарэвіч / Адказаць
13.08.2007 / 19:47
Ужо і ня ўспомню, калі апошні раз я сустракаўся з Галінай Антонаўнай. Вечная памяць...
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру