Паводле інфармацыі партала tvp.info, музыка і акцёр Дзмітрый «Вінсэнт» Папко, які зняўся ў галоўнай ролі ў фільме «Жыве Беларусь», не мае магчымасці вярнуцца ў Беларусь.
Як піша партал,
калі Дзмітрый вярнуўся ў Беларусь пасля здымкаў, на яго пачалі ціснуць спецслужбы.На акцёра пісаліся даносы, яго выклікалі на допыты, імкнуліся запалохаць. Да таго ж дыягназы, якія давалі яму адтэрміноўку ад службы ў войску, былі ануляваныя.
Трапіць назад у Польшчу Вінсэнту дапамагла выпадковасць — ён захварэў на ангіну напярэдадні наведвання ваенкамата. Цяпер, паводле інфармацыі партала, у Беларусі яму пагражаюць войска або турма.
Сам Дзмітрый Папко пакуль ад каментароў устрымліваецца, але абяцае патлумачыць сітуацыю ў найбліжэйшы час.
0
0
0
0
0
0
