Некаторыя са сваякоў загінулых не маглі прачытаць імёны сваіх родных — замалыя літары — і шукалі сваіх навобмацак.
Людзі пачалі несці кветкі ад самага ранку. Нехта падоўгу стаяў каля ўваходу.
Людзі неслі кветкі ўвесь дзень.
Размешчаных вазаў для кветак бракавала ўжо пад абед.
Большасць людзей прыйшла да «Кастрычніцкай» увечары.
Сваякі ахвяраў прынеслі знічы.
Кветак былі тысячы.
Уваход на станцыю «Кастрычніцкая» праз два гады пасля трагедыі.
Сотні людзей на працягу дня ўшанавалі памяць ахвяраў тэракта на станцыі метро «Кастрычніцкая» ў Мінску. 11 красавіка споўнілася два гады з дня яго.
Людзі хутка падыходзілі, ускладалі кветкі пад пільным наглядам шматлікіх міліцыянтаў. У журналістаў пільна перапісвалі звесткі, нават стэлефаноўваліся.
Сярод міліцыі быў заўважаны і былы намеснік начальніка мінскай міліцыі Ігар Яўсееў, які цяпер узначальвае віцебскую міліцыю.
