12.04.2013 / 16:43

Вясна актыўна ўзялася за працу: прагноз надвор'я на выходныя 1

На гэтым тыдні пад націскам цёплых паветраных мас з Заходняй Еўропы халоднае паветра пакінула тэрыторыю краіны. Актыўна раставаў снег, па паўднёвай палове краіны яго ўжо няма.

Да канца працоўнага тыдня тэмпературны фон наблізіўся да кліматычнай нормы. У сувязі з пераходам сярэднясутачнай тэмпературы праз 5 градусаў у прыродзе адбылося ажыўленне вясновых працэсаў.

У суботу, 13 красавіка, умовы надвор'я ў Беларусі будуць вызначаць атмасферныя франты, якія змяшчаюцца з Заходняй Еўропы. На большай частцы тэрыторыі прагназуюцца дажджы, днём у асобных раёнах навальніцы. Вецер паўднёвы парывісты. Тэмпература паветра: мінімальная ноччу +3 .. +9°С, максімальная днём ад +6°С па паўночным усходзе да +15°С у паўднёвых раёнах краіны.

У нядзелю, 14 красавіка, на тэрыторыю нашай краіны чакаецца паступленне няўстойлівых паветраных мас з Балтыйскага мора, па паўднёва-ўсходняй палове краіны захаваецца ўплыў атмасфернага фронту.

Амаль паўсюдна пройдуць дажджы, па паўднёвым усходзе — моцныя дажджы.
Днём у асобных раёнах навальніцы. Вецер паўночна-заходні парывісты. Тэмпература паветра: мінімальная ноччу +1 .. +7°С, максімальная днём 6 .. +12°С, месцамі да +15°С.

0
STATiK / Адказаць
12.04.2013 / 16:56
Мы тожа активна взялись за работу - суботник на суботнике едзя и суботникам паганяе. Суботник сёння, суботник заутра, суботник у наступную суботу, 20-га... И наверна ишчэ и в суботу 27-га тожа суботник будит. А сколька суботникав будит ишчэ между суботами - хер иво знаит... Па крайней мерэ, снег ишчэ лижыт - работы точна всем хватить. А патом то што пад снегам лижала, нада будит убирать... Жопа кароча.
Каб пакінуць каментар, калі ласка, актывуйце JavaScript у наладах свайго браўзеру