16.04.2013 / 21:55

Лукашэнка абвясціў вымову Косінцу і міністру архітэктуры Нічкасаву 1

Аляксандр Лукашэнка аб’явіў вымову міністру архітэктуры і будаўніцтва Анатолю Нічкасаву і старшыні Віцебскага аблвыканкама Аляксандру Косінцу «за непрыняцце належных мер па выкананні даручэння кіраўніка дзяржавы аб завяршэнні будаўніча-мантажных работ па аб’екту «Арганізацыя вытворчасці драўнінавалакністых пліт МДФ/ХДФ ААТ «Віцебскдрэў».

Таксама адпаведным распараджэннем Савету міністраў даручана за незабеспячэнне належнай арганізацыі работы ААТ «Віцебскдрэў» прыцягнуць ва ўстаноўленым парадку да дысцыплінарнай адказнасці старшыню Беларускага вытворча-гандлёвага канцэрна лясной, дрэваапрацоўчай і цэлюлозна-папяровай прамысловасці Аляксандра Пераслаўцава.

У снежні 2012 года, наведваючы ААТ «Віцебскдрэў», Лукашэнка запатрабаваў жорсткага выканання тэрмінаў мадэрнізацыі дрэваапрацоўчых прадпрыемстваў.

0
J88 / Адказаць
17.04.2013 / 10:17
А затем достал платок и вытер со лба пот.
Каб пакінуць каментар, калі ласка, актывуйце JavaScript у наладах свайго браўзеру