18.04.2013 / 19:06

Лукашэнка звольніў міністра энергетыкі «за правалы ў кіраванні галіной» 6

З фармулёўкай «за правалы ў кіраванні энергетычнай галіной» вызвалены ад пасады міністр энергетыкі Аляксандр Азярэц, паведамляе БЕЛТА.

Акрамя таго, Аляксандр Лукашэнка прыняў рашэнне аб вызваленні ад пасадаў першага намесніка міністра энергетыкі Эдуарда Таўпянца і генеральнага дырэктара «Белэнерга» Аляксея Шырмы.

***

Азярэц Аляксандр Уладзіміравіч, нар. 9 мая 1953 года ў в. Гарбацэвічы Бабруйскага раёна Магілёўскай вобласці. У 1976 годзе скончыў Беларускі політэхнічны інстытут па спецыяльнасці «Цеплавыя электрычныя станцыі», у 1993 годзе — Акадэмію кіравання пры Савеце Міністраў Рэспублікі Беларусь па спецыяльнасці «Эканоміка і кіраванне вытворчасцю».

1976-1987 — інжынер ПТА, начальнік змены катлатурбіннага цэха, старшы інжынер-кіраўнік лабараторыі металаў, намеснік начальніка катлатурбіннага цэха Віцебскай ЦЭЦ.

1987-1989 — начальнік службы цеплатэхнічнага абсталявання раённага энергетычнага ўпраўлення «Віцебскэнерга».

1989-1996 — намеснік галоўнага інжынера па цеплатэхнічнай частцы вытворчага аб'яднання «Віцебскэнерга».

1996-2000 — намеснік гендырэктара па агульных пытаннях Віцебскага РУП «Віцебскэнерга».

З красавіка 2000 — гендырэктар РУП «Віцебскэнерга».

З мая 2006 — міністр энергетыкі Рэспублікі Беларусь.

nn.by

0
вечныя фікцыі / Адказаць
18.04.2013 / 19:13
Сёньня сьвятла ня будзе. Кіна таксама. Тэлескрынку можна пакінуць у спакоі альбо выкінуць з вакна на дырэктара ЖЭСа... Манцёр спіўся. Факір краіны адправіў яго на нары. Аднак электрычнасьць у наступным месяцы будзе каштаваць даражэй. Прычына - трэба навесьці парадак. Зараз такая гульня пачнецца з вадой, прадуктамі, грошамі... Прахадзілі. Танчаць усе!
0
цікаўны / Адказаць
18.04.2013 / 19:46
Можна, гледзячы на гэты твар, ўявіць сабе, што Азярэц вып'е з гора крысінага іаду?.. А я вось думаю, на якой пасаде ён вынырне праз пару месяцаў. Гэта самае цікавае!
0
### / Адказаць
18.04.2013 / 20:07
я так разумею, што ён яшчэ не сядзеў
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру