22.04.2013 / 20:35

ЕС здымае санкцыі з М'янмы 1

ЕС адмяніў свае гандлёва-эканамічныя і візавыя санкцыі супраць Бірмы ў адказ на яго палітычную праграму рэформаў у гэтай краіне.

Санкцыі былі часова прыпыненыя летась; поўная адмена санкцый наступіла пасля кансультацый Брусэля з лідарам бірманскай апазіцыі Аун Сан Су Чжы, якая прызнала, што прагрэс Бірмы на шляху рэформаў заслугоўвае такога кроку.

Міністры замежных справаў ЕС, якія прынялі рашэнне аб адмене гандлёва-эканамічных і візавых санкцый супраць Бірмы на сустрэчы ў Люксембургу, пакінулі без зменаў эмбарга на пастаўкі зброі ў Бірму.

Рашэнне аб адмене санкцый было прынята ў адказ на палітычныя рэформы, што праводзіць прэзідэнт Бірмы Тэйн Сэйн, які прыйшоў да ўлады пасля выбараў у лістападзе 2010 года.

Яго адміністрацыя вызваліла шмат палітычных зняволеных і паслабіла цэнзуру.

Аун Сан Су Чжы, якая на працягу шматлікіх гадоў знаходзілася пад хатнім арыштам, цяпер з'яўляецца дэпутатам парламента Бірмы, дзе апазіцыя мае невялікае прадстаўніцтва.

0
белапузы / Адказаць
22.04.2013 / 21:45
Колькі можна пісаць пра тое, што Бірма - каланіальная брытанская назва М'янмы? Мы жывем у Белоруссіі? Калі не, то чаму Бірма, а не М'янма?
Каб пакінуць каментар, калі ласка, актывуйце JavaScript у наладах свайго браўзеру