26.04.2013 / 23:43

«Памажыце!» Як ціхары затрымлівалі анархіста Трухановіча і перашкаджалі журналісткам НН — відэа 32

26 красавіка падчас «Чарнобыльскага шляху" ў двары дома за «Макдональдсам», што на Багдановіча, быў жорстка затрыманы анархіст Ігар Трухановіч. Таксама міліцыя перашкаджала журналісткам «Нашай Нівы» здымаць на відэа гэта затрыманне:

Што атрымалася зняць — глядзіце на відэа:

Пасля гэтага журналістак «НН» затрымалі на прыпынку тралейбуса № 40 ля завода «Гарызонт».

Затрыманне адбывалася наступным чынам:

у тралейбус на прыпынку зайшлі супрацоўнікі праваахоўных органаў. Адзін з іх указаў рукой на журналістак: «Гэта і гэта»,
пасля чаго іх вывелі з тралейбуса і завялі ў сіні «фальксваген», які стаяў побач і, верагодна, ехаў за тралейбусам.

Супрацоўнікі не назвалі свайго імя і не паведамілі, куды вязуць, забралі мабільныя тэлефоны. Затым прывезлі да Савецкага РУУС. У машыне ў журналістак перагледзелі касеты з акцыі, а таксама фотаапарат і флэшкі з мабільных тэлефонаў. Праверылі дакументы.

Прыкладна праз гадзіну пасля затрымання журналістак адпусцілі без складання пратаколу.

Яшчэ адно відэа затрымання Трухановіча зняла і выклала ў свой Фэйсбук Darja Katkouskaja

Ірына Арахоўская, Аксана Рудовіч

0
житель / Адказаць
26.04.2013 / 23:54
лукошавка чуть п...лей не отгребла:D
0
Darja Katkouskaja / Адказаць
26.04.2013 / 23:58
https://www.facebook.com/katkouskaja/posts/652602991421679?notif_t=like
0
Анатоль Сідарэвіч / Адказаць
27.04.2013 / 00:00
Дык вось каго яны "пасвілі". Тлумачу. Ад капліцы я пайшоў да прыпынку тралейбуса каля Макдональдса. У тралейбус зайшлі і селі справа ад задніх уваходных дзвярэй два хлопцы гадоў гэтак 25-30. Я сядзеў якраз насупраць уваходных дзвярэй і чуў, як яны размаўлялі, і адзін з іх казаў, што "его ребята пасли". Гэтыя хлопцы не з тых гэбістаў, што таўкліся і каля кінатэатра, і сярод дэманстрантаў. Апранутыя ў джынсы, абутак не самай лепшай якасці, куртачкі не на зайздрасць моднікам. Ніжнія чыны мянтуры? А наагул, на журналюг трэба панаракаць. Абавязкова трэба рабіць здымкі гэбнюкоў анфас і змяшчаць іх інтэрнэце. Нават не падпісваючы, хто гэта: людзі здагадаюцца. Прыватнае назіранне. Я думаў, што скуранкі выйшлі з моды, а тут гэбісты праз аднаго ў скуранках. І хто іх так старамодна экіпіруе? Адразу кідаюцца ў вочы.
Паказаць усе каментары/ 32 /
Каб пакінуць каментар, калі ласка, актывуйце JavaScript у наладах свайго браўзеру