30.04.2013 / 12:15

Будаўніцтва «Бульбаш-хола» ў Курапатах аднавілася 19

Аднавіліся працы на будаўнічай пляцоўцы забаўляльнага цэнтра «Бульбаш-хол», якая знаходзіцца побач з Курапатамі, месцам масавых расстрэлаў ахвяраў палітычных рэпрэсій 1930-х.

Працы па ўзвядзенні «Бульбаш-хола» працягваюцца. Там кладуць тратуарную плітку, парадкуюць тэрыторыю, высаджваюць дрэвы, ставяць новы таніраваны плот. Гэта адбываецца нягледзячы на тое, што Генеральная пракуратура загадала спыніць будаўніцтва да распрацоўкі новага горадабудаўнічага праекту, які мусіў быць падрыхтаваны Мінаблвыканкамам да 1 мая», — паведаміла каардынатарка ініцыятывы «За ўратаванне мемарыяла Курапаты» Ганна Шапуцька.

З боку «Бульбаш-хола» Курапаты заваленыя смеццем: паддоны з-пад пліткі, будаўнічы друз, рэшткі старой мэблі, кажа Шапуцька.

Мінаблвыканкам мусіць распрацаваць горадабудаўнічы праект, у якім павінны быць абазначаныя межы ахоўнай зоны «Курапаты». Затым праект павінна разгледзець і зацвердзіць Міністэрства культуры. Пасля гэтага праект выносіцца на грамадскі разгляд, і толькі па выніках яго магчымае далейшае будаўніцтва. У лісце Міністэрства культуры, які падпісаў намеснік міністра Віктар Кураш, сцвярджаецца, што распрацоўкі горадабудаўнічага праекта з вызначэннем межаў ахоўнай зоны «Курапаты» ў міністэрства не паступалі.

0
крумкач / Адказаць
30.04.2013 / 12:34
бабло всегда побеждает - хоть и не правильно это плясать на касцях, но деткам камсамольских важдей это до лампочки в Могилеве есть церковь трех святителей - при советах комсомольский клуб отдыха
0
... / Адказаць
30.04.2013 / 12:34
Не ўратавали.
0
STATiK / Адказаць
30.04.2013 / 12:50
Пхах!! Ляхтарат супакоили, прыцихла, дый годзе - пагнали стройку наноу. Ни праект нихто не распрацоувау, ни нават сраки з крэслау нихто на дастау. Проста адписалися - дый годзе, пипал схавау... Падлюки.
Паказаць усе каментары/ 19 /
Каб пакінуць каментар, калі ласка, актывуйце JavaScript у наладах свайго браўзеру