01.05.2013 / 16:53

Хочаце стаць праграмістам і зарабляць 30 мільёнаў? Адкрыліся беларускамоўныя курсы 21

Рома Андрыянаў і Філіп Дайнэка — маладыя праграмісты з Мінска, пяцікурснікі БДУІР.

Абодва паспелі папрацаваць у камп'ютарных фірмах, дзе зараблялі больш за тысячу «баксаў», і сысці адтуль. Цяпер хлопцы працуюць на сябе.

Рома, напрыклад, займаецца фрылансам. Працуе тыдзень на месяц. Зразумела, стабільна высокага заробку, як на фірме, ён не мае, але на жыццё хапае.

Затое з’явіўся час для сваіх праектаў. Адзін з іх — «Курс.бай». Гэта бясплатныя ІТ-курсы, да таго ж — па-беларуску.

Рэч у тым, што хлопцам не падабаецца тая сітуацыя, якая склалася ў беларускай ІТ-сферы. Большасць праграмістаў, скончыўшы ўніверістэт, ідуць працаваць у буйныя аўтсорсінгавыя карпарацыі. Гэтыя кампаніі знаходзяць багатых замежных кліентаў, якім патрэбныя паслугі праграмістаў. За адносна невялікія грошы аўтсорсінгавая кампанія наймае мясцовых «айцішнікаў», а потым прадае плён іх працы заказчыку па сусветных цэнах. Рэшту пакідае сабе. У такіх умовах найбольш зарабляе сама карпарацыя, а праграмісты разглядаюцца ў выглядзе «рэсурсу», які прадаецца.

«Мы верым у тое, што нашыя людзі здольныя самастойна ствараць, а не быць інструментам для вырашэння чужых праблем. Быць замоўцамі самі сабе. Хіба ў Беларусі ўжо не засталося праблем, якія трэба вырашыць? Ці ўсе ідэі ўжо рэалізаваны?»,
— кажуць Рома і Філіп.

Што яны робяць для таго, каб змяніць сітуацыю — глядзіце на відэа:

Аксана Рудовіч, Ірына Арахоўская

0
R / Адказаць
01.05.2013 / 15:18
Я, вядома, не вялікі адмыслоўца ў фінансавых аспектах дзейнасці аўтсорсінгавых кампаній, але простая логіка падказвае, што нашы аўтсорсінгавыя канторы прадаюць час праграміста танней, ніж ён каштуе ў ЗША (я так разумею, што гэта і ёсць тыя "сусветныя цэны", пра якія ўзагадлі ў артыкуле). Другі момант: акрамя Беларусі ёсць яшчэ Індыя, дзе працуюць ледзь не за ежу, і Кітай. Так што канкурэнцыя высокая. Таму і заробкі не як у штатах.
0
Vadzim / Адказаць
01.05.2013 / 17:01
R, заходнія змоўшчыкі сюды прыходзяць з-за даволі высокага прафесіяналізму, блізкасці культур і значна больш зручнага геаграфічнага становішча ў параўнанні з той жа Індыяй. Да таго ж індусы-праграмісты не вельмі добра зарэкамендавалі сябе ў свеце, гэта і не дзіўна, там на праграмістаў перавучвалі ўсіх, каго толькі можна было. Зразумела ёсць шмат вельмі прафесіянальных спецыялістаў і там, але ў асноўным яны не вытрымліваюць з намі канкурэнцыі па якасці.
0
R / Адказаць
01.05.2013 / 17:20
Vadzim напiсаў(ла) 1 мая 2013 у 17:01 === Магу толькі сказаць, што перад маімі вачыма два прыклады, калі беларусы не вытрымлівалі канкурэнцыі з індусамі. Ды й, наконт якасці, "індусы" ёсць і сярод беларусаў.
Паказаць усе каментары/ 21 /
Каб пакінуць каментар, калі ласка, актывуйце JavaScript у наладах свайго браўзеру