Грамадства99

Спецслужбы стварылі свае «праваабарончыя» арганізацыі?

У Брусэлі і Страсбургу з’яўляюцца невядомыя праваабарончыя арганізацыі з Беларусі «Відаць, гэта Міністэрства замежных спраў накіроўвала», — расказваюць у адной з такіх праваабарончых арганізацый пра візіт у Страсбург.

Нечаканае адкрыццё зрабіла для сябе праваабаронца Алена Танкачова: наша грамадзянская супольнасць нашмат багацейшая, чым ёй падавалася! Адкрыццё гэта яна зрабіла падчас нядаўняга візіту ў Страсбург на пасяджэнне Парламенцкай асамблеі Рады Еўропы:

«Адным з прадстаўнікоў у рамках гэтай групы быў спадар, які прадстаўляўся праваабарончай арганізацыяй «Public association for protection of human rights».

Якая, паводле яго слоў, больш за 10 гадоў ажыццяўляе сваю дзейнасць на базе Брэсцкага дзяржаўнага ўніверсітэта і, нібыта, у гэтую арганізацыю аб’яднаныя прадстаўнікі акадэмічнай супольнасці — выкладчыкі права і іншых гуманітарных дысцыплін».

Здаецца, ні пра гэтую арганізацыю, ні пра яе дзейнасць ніколі нічога не было чуваць.

Нават Google не дапамог выправіць гэтую недарэчнасць! Гэта не было б дзіўна, абураецца Танкачова, калі б праваабарончая арганізацыя была дзяржаўнай. Але Аляксей Траццякоў, які прадстаўляў «Public association», сцвярджае, што яны — недзяржаўныя.

Аднак Еўрарадыё знайшло ў Брэсце і гэту невядомую «Public association for protection of human rights», і яе кіраўніка. Ім апынуўся выкладчык Брэсцкага ўніверсітэта імя Пушкіна Іван Котляр. Яна сапраўды існуе з 1996 года. А што да актыўнасці…

Іван Котляр: «Пакуль яна (арганізацыя) займаецца тым, што садзейнічае выкладанню, адукацыі ў галіне правоў чалавека.

Дапамагае праводзіць канферэнцыі, семінары, якія штогод праходзяць у нашым універсітэце».

Але ж арганізацыя — рэспубліканская! І вось некалькі месяцаў таму, пасля чарговага пераабрання на пасаду кіраўніка гэтай «праваабарончай» арганізацыі, Котляр прымае валявое рашэнне:

«Прынятае рашэнне зрабіць арганізацыю паўнавартаснай — каб яна займалася і юрыдычнай абаронай, і інфармацыйнымі справамі…»

Сцвярджае, што ідэя гэтая прыйшла яму ў галаву без падказкі збоку. Відаць, першым крокам на шляху такой рэарганізацыі і стала прысутнасць прадстаўніка «Public association» у Страсбургу. Але чаму гэта быў не кіраўнік арганізацыі, а чалавек, якога зусім нядаўна ўвялі ў аргкамітэт?

Іван Котляр: «Ну, гэта не ад нас, я не ведаю — відаць, гэта Міністэрства замежных спраў яго накіроўвала…».

З’яўленне на пасяджэнні Рады Еўропы нікому не вядомай «праваабарончай» арганізацыі Танкачова звязвае з пошукам еўрачыноўнікамі «кампраміснай прадстаўленасці на пляцоўцы беларускай грамадзянскай супольнасці».

Алена Танкачова: «Будзем найбліжэйшым часам сведкамі таго, што будуць з’яўляцца прадстаўнікі ілжэграмадскіх арганізацый з ілжэмэтамі, і мы павінны быць да гэтага гатовыя».

Самае абуральнае, тлумачыць сваю рэакцыю праваабаронца, што яны «хаваюцца» за недзяржаўнасць: няхай бы казалі праўду, што яны прадстаўнікі праўладных арганізацый, і шчыра адстойвалі ў дыскусіях пазіцыю рэжыму.

Каментары9

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Арыштаваны дырэктар Палаца Рэспублікі, адзін з арганізатараў Марафона адзінства9

Арыштаваны дырэктар Палаца Рэспублікі, адзін з арганізатараў Марафона адзінства

Усе навіны →
Усе навіны

Амерыканскі авіяблогер: Літаральна кожны беларус, з кім я размаўляў пра палітыку, казаў, што Лукашэнка — абсалютны вар’ят21

Алену Богдан вярнулі з Расіі і паставілі на ранейшую топ-пасаду ў Мінздароўя3

Два дні спёкі, а потым крыху пахаладае

«Гэта паклёп!» Меланія Трамп збіраецца ў суд супраць Хантэра Байдэна з іскам на $1 млрд

Самую дарагую кватэру ў Мінску ў ліпені прадалі за 630 тысяч даляраў

Грозеў расказаў, што адрознівае заходнія спецслужбы ад расійскіх7

У Растове-на-Доне адбыўся выбух. У жылы дом мог трапіць дрон

«Мы павінны быць гатовыя»: Наўседа заявіў пра магчымасць удзелу Літвы ў абароне Украіны9

У ЕГУ можна паступіць у магістратуру на перспектыўную еўрапейскую спецыяльнасць. Расказваем як

больш чытаных навін
больш лайканых навін

Арыштаваны дырэктар Палаца Рэспублікі, адзін з арганізатараў Марафона адзінства9

Арыштаваны дырэктар Палаца Рэспублікі, адзін з арганізатараў Марафона адзінства

Галоўнае
Усе навіны →

Заўвага:

 

 

 

 

Закрыць Паведаміць