Віцэ-сьпікер Эўрапарлямэнту за бясплатныя візы для беларусаў, не зьвязаных з рэжымам
Віцэ-сьпікер Эўрапейскага парлямэнту і старшыня Дэмакратычнай партыі Польшчы Януш Анышкевіч заявіў, што, на ягоную думку, польскія ўлады павінны даваць бясплатна візы тым беларусам, якія «ня маюць нічога агульнага з рэжымам».
Януш Анышкевіч заявіў, што ў бліжэйшы час ад імя Дэмакратычнай партыі зьвернецца да польскага ўраду з прапановай выдаваць бясплатна ўязныя польскія візы беларусам, не зьвязаным з рэжымам.
«На маю думку, мы павінны ім паказаць, што хаця мы і выступаем за тое, каб закрыць межы Эўрапейскага зьвязу для тых, хто нясе адказнасьць за рэпрэсіі, але адкрываем Польшчу для ўсіх астатніх беларусаў», заявіў спадар Анышкевіч.
Паводле ягоных словаў, цяперашняя сытуацыя ў Беларусі мае шмат агульнага з тым, што адбывалася ў Польшчы 25 гадоў таму — пасьля абвяшчэньня ваеннага становішча. Януш Анышкевіч лічыць, што ў беларускіх уладаў, таксама як калісьці ва ўладаў народнай Польшчы, не атрымаецца здушыць дэмакратычны рух.
(Анышкевіч: ) «Гэта, можа, не канец пэўнага працэсу, але напэўна пачатак. Нарэшце нехта крыкнуў, што кароль голы дастаткова голасна— яго пачулі шмат людзей. Цяперашнія падзеі ў Беларусі могуць у пэрспэктыве давесьці да паўтору польскага варыянту 1989 году».
«Пра сустрэчу Луку заўсёды прасілі перадаць Пуціну». Шустэр расказаў, як Лукашэнка прапаноўваў свае паслугі амерыканцам9
Каментары