06.05.2013 / 16:12

Гродзенцы аб трагічным выпадку ў «Экамедсэрвісе»: Усюды можа здарыцца такое, ніхто не застрахаваны 1

Што вы думаеце пра сітуацыю вакол смерці гродзенскай дзяўчыны Юліі Кубаравай? Ці магло такое адбыцца не ў прыватным медцэнтры, а ў дзяржаўнай бальніцы? На гэтыя пытанні адказваюць жыхары Гродна.

«Канечне, вінаватыя дактары, якія працуюць у «Экамедсэрвісе», я лічу. Яны не павінны былі дапусціць такога. І тым больш бацькі бачылі, у якім дзяўчына стане. Дактары маглі больш увагі ёй удзяліць, а не аднеквацца… Я ведаю яшчэ такі выпадак. У нашым доме жыве жанчына, у якой дачцэ паўтара года. У бальніцу паклалі, паставілі кропельніцу да галавы. Мозг пачаў ацякаць, але доктар не надаў гэтаму значэння, і дзяўчынка стала інвалідам. Калі аб такіх выпадках пачуеш, то вельмі страшна».

«Думаю, такое магло здарыцца з кожным чалавекам. Гэта воля выпадку і не залежыць ад таго — у добрай клініцы будзеш ці ў дрэннай».

«Я думаю, што трэба цаніць сябе такім, які ты ёсць, і не марнаваць жыццё і час на ўсякія аперацыі такія».

«Магло такое быць у любой бальніцы. Гэта яшчэ залежыць ад дактароў: як яны вывучыліся, кампетэнтныя яны ці не».

«А ў звычайных бальніцах кожны дзень людзі паміраюць. А зараз «бацька» гэты цэнтр прыватызуе, як «Спартак», як «Камунарку». Падстава такая з`явілася ў нашага прэзідэнта — адабраць прыватныя клінікі».

«Мне здаецца, што гэта можа быць у любой бальніцы. Адно толькі, што тут анестэзіёлаг пайшоў… Гэта ж залежыць ад доктара. Не пачакаў, пакуль дзяўчына выйшла з наркозу».

«Мне здаецца, усюды можа здарыцца такое, ніхто ж не застрахаваны».

«У нас у Беларусі такое магло здарыцца ўсюды, нават у дзяржаўнай бальніцы. Таму што, мне здаецца, беларуская медыцына — абсалютна ніякая, ні на якім яна не на ўзроўні».

«Магло здарыцца ў любой клініцы. Але асабіста я супраць таго, каб змяняць нешта ў сваім твары. Гэта ўвогуле непажадана рабіць, таму што шкодзіць арганізму свайму чалавек. Чалавек зроблены так, як трэба. Уся гэтая хімія — гэта жахліва. Калі напампоўваюць бюст свой ці рукі, потым могуць быць ускладненні. Пры кармленні мамай дзіцяці малако ў яе можа быць не такім, якім павінна».

0
litvin_ja / Адказаць
06.05.2013 / 23:13
Мне рабили аперацию у Гродне у адной бальницы.Прыкладна год назад. Пасля той аперацыи у мяне застался адна мара - страляць. анестизиолага и медбл..ей, што абслуговвали аперацию.Зразумейце- кали дарослы мужык разумее адкрыушы вочы што ен абсыкаецца и ничога не можа зрабиць, а яны стаяць каля цябе и шчабечуць як ластауки, а потым пачалося жудаснае. Я усе меньш и менш мог удыхнуць паветра.А потым зусим перастау дыхаць. Я малиу каб паглядзели на мяне, а яны усе шчабятали У горле тырчали трубки,сказаць ничога не мог.А потым шэрая цень у вачах.Кольки быу без уздыху не ведаю, але памятаю як выграбали пальцами згустки слюны, як крычали мужчына дыхайце. И мне удалося уздыхнуць.
Каб пакінуць каментар, калі ласка, актывуйце JavaScript у наладах свайго браўзеру