Былы пасол Польшчы ў Белаурсі Марыюш Машкевіч атрымаў 15 сутак адміністрацыйнага арышту па артыкуле 167. Чатыры праведзеныя ў вязьніцы дні залічаныя ў тэрмін. Альтэрнатывай было пакараньне штрафам у 2200 даляраў. Стажорка «Газэты выборчай» у Любліне Вераніка Самаліньска асуджаная на 10 сутак.
Польскія грамадзяне трапілі за краты ўначы з чацьверка на пятніцу разам з усімі жыхарамі намётавага мястэчка.
47-гадовы Марыюш Машкевіч у 1994-97 гадах быў генэральным консулам у Горадні, а ў 1998-2000 – паслом Рэспублікі Польшчы ў Беларусі.
24-гадовая Вераніка Самальніска ад лютага стажуецца ў люблінскай рэдакцыі папулярнай польскай газэты «Gazeta Wyborcza». Некалькі разоў была ў Беларусі. Была назіральніцай на прэзыдэнцкіх выбарах ва Ўкраіне.
Паводле gazeta.pl
