10.05.2013 / 12:14

Старшыня Саюза прадпрымальнікаў Уладзімір Карагін зоймецца джазам 4

«Джаз падобны да бізнэса» — мяркуе Карагін.

Старшыня Мінскага саюза прадыпрымальнікаў Уладзімір Карагін стаў сустаршынёй «Джаз-клуба Яўгена Уладзімірава» — адной з самых яскравых джазавых фармацый Беларусі. Цяпер клуб будзе называцца «Джаз-клуб Яўгена Уладзімірава і Уладзіміра Карагіна».

«Я вялікі аматар музыкі, з Яўгенам мы даўно сябруем, — расказаў «Нашай Ніве» Карагін. — З таго часу, як ён уступіў ў канфедэрацыю, мы неаднаразова працавалі разам. Напрыклад, арганізоўвалі Міжнародны фестываль Jazz in Minsk».

Па словах Карагіна, джаз гэта не столькі перспектыўны для бізнэсу накірунак і магчымасць зарабіць, колькі прыкмета саліднасці і паказчык узроўню.

«У джаза не вельмі шмат аматараў, аднак менавіта яго ЮНЭСКА прызнала найвывшэйшым дасягненнем сусветнай культуры, — кажа спадар Карагін. — Зараз мы плануем другі мінскі джазавы фэст. Апроч таго, будзем запрашаць у Мінск джазавых зорак, вядомых і невядомых беларускім гледачам».

Сам Карагін скончыў музычную школу па класе фартэп’яна, і нядаўна разам з сябрамі-джазістамі аднавіў адзін з найстаражытнейшых музычных інструментаў — хомус.

«У джазе мяне прываблівае імправізацыйнасць, — кажа Карагін. — У кожнага выканаўцы ёсць магчымасць праявіць сябе напоўніцу, ёсць агульная сінэргія людзей, якія разам знаходзяцца на сцэне. Гэта робіць джаз падобным да прадпрымальніцтва».

Юрась Ускоў

0
Just / Адказаць
10.05.2013 / 12:34
Жив курилка! Как джаз подобен предпринимательству, так и Карягин союзу с предпринимателями.
0
Anatol Starkou / Адказаць
10.05.2013 / 13:33
А я быў на яго курсах недзе ў 1990-91 ці 1992-м... Ён чытаў нам нешта і прымаў іспыт.
0
Ясь / Адказаць
10.05.2013 / 17:06
А блюз у нашым краі як быў блюзам так і застаецца!..
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру