09.05.2013 / 21:21

Хто такія партызаны і чым яны займаліся? - відэаапытанне 5

Напярэдадні Дня Перамогі здымачная група БелаПАН вырашыла пацікавіцца ў маладых грамадзян «партызанскай рэспублікі», як называюць Беларусь, пра тое, хто такія партызаны і чым яны займаліся?
Трэба сказаць, вялікая частка тых, каму адрасавалася пытанне, мелі ў той ці іншай ступені ўяўленне пра народных мсціўцаў Вялікай Айчыннай: «Нашу Радзіму абаранялі. Жылі ў лагерах ваенных, спецыяльна адведзеных. Падчас вайны яны жылі амаль усюды, а зараз, напэўна, у часцях рыхтуюцца».

«Гэта асаблівы рух — яны дзейнічаюць тайна, каб па магчымасці пранікнуць у лагер праціўніка і даведацца нейкую інфармацыю пра яго планы».
«Гэта падпольная арганізацыя, якая, не знаходзячыся ў радах дзейнай арміі, вядзе барацьбу супраць галоўнага ворага дзяржавы». «Гэта воіны ад народа, якія не знаходзіліся ў арміі, але вялі ваенныя дзеянні. Фішка партызан у тым, што яны вялі атакі адзінкавыя і тайныя». «Яны ладзілі дыверсіі на чыгунцы, падрывалі масты».
«Гэта людзі рознага ўзросту, якія самастойна і добраахвотна, па закліку сэрца абаранялі Радзіму».
«Гэта смелыя людзі. Яны стваралі ў лясах свае атрады, здабывалі ўзбраенне, снарады, сачылі за фашысцкімі перамяшчэннямі. Мясцовае насельніцтва падтрымлівала іх прадуктамі». Некаторыя суразмоўцы акцэнтавалі ўвагу на іншых дэталях: «Радзіму нашу бясплатна абаранялі». «Прабіраліся ў тыл ворага і нейкія там гадасці рабілі».
«Яны капалі зямлянкі маленькімі рыдлёўкамі».
І толькі адна юная асоба выказала меркаванне, што партызаны — гэта… немцы. Увогуле, будзем лічыць, нашчадкі салдат лясной арміі не забыліся пра баявыя дзеянні сваіх дзедаў і прадзедаў. Якіх мы ад душы віншуем з Днём Перамогі і кланяемся за стойкасць і мужнасць.

0
редакции / Адказаць
09.05.2013 / 21:55
НН, опубликовали бы вы хоть отрывки из книги И. Копыла... а то печатаете всякую муру. Н В давно это напечатала.
0
гаврош / Адказаць
09.05.2013 / 22:16
Самая галоўная тайна якой валодалі партызаны, гэта ў якой хаце ёсць сала, самагонка і кажух. Кажуць што і брычкамі ня грэбавалі (навошта яна ў лесе?) ...Ну і каб кабета маладая яшчэ была пажадана...
0
Шпак / Адказаць
10.05.2013 / 10:11
Гаврош, взял бы ты хоть Адамовича "Война под крышами" и "Сыновья уходят в бой" почитал, что ли.
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру