13.05.2013 / 16:54

Брытанскі мільянер прайграў пары і адпрацаваў за гэта сцюардэсай на самалёце — фота і відэа 2

Рычард Брэнсан у касцюме сцюардэсы ў аэропорце ў Сепанге, Малайзія. Фота Bazuki Muhammad/Reuters.

Для поўнага падабенства бізнесмену пагалілі ногі. Фота Bill Hatto/Reuters.

Вядомы брытанскі прадпрымальнік Рычард Брэнсан пераапрануўся ў сукенку сцюардэсы, прайграўшы спрэчку, паведамляе Бі-Бі-Сі.

У 2010 годзе, калі яго каманда Virgin Racing (зараз гэта расійская Marussia F1 Team) праводзіла свой дэбютны сезон у Формуле-1, Брэнсан паспрачаўся з Тоні Фернандэсам, уладальнікам іншага дэбютантам — каманды Lotus. Два мультымільянера, у кожнага з якіх ёсць свая авіякампанія, дамовіліся, што той, чыя гоначная «стайня» па выніках сезону апынецца ніжэй у турнірнай табліцы, праляціць рэйс у самалёце суперніка ў сукенцы сцюардэсы.

Virgin Racing тады скончыла чэмпіянат на дзве пазіцыі ніжэй за Lotus, аднак Брэнсану прыйшлося адкласці свой перфоманс — у пачатку 2011 года ён зламаў нагу, катаючыся на лыжах.

Аднак зараз эпатажны бізнесмен вырашыў, што настаў час расплачвацца за пройгрыш.

Квіткі на ўнікальны рэйс былі распрададзеныя на дабрачынным аўкцыёне.

0
Alies' / Адказаць
13.05.2013 / 21:11
Bil'janer. Net Worth $4.6B Mil'janer i Bil'janer - dzve vialikija roznicy. Karespandenty NN takija s'meshnyja :))) http://www.forbes.com/profile/richard-branson/
0
Пол / Адказаць
14.05.2013 / 19:18
Брэнсан - малайчына!!!!!!!!! Virgin - forever!!!!!
Каб пакінуць каментар, калі ласка, актывуйце JavaScript у наладах свайго браўзеру