13.05.2013 / 16:56

Ашмянскія мытнікі затрымалі партыю замежнага адзення на 720 млн. рублёў 5

Як паведамляе прэс-служба Дзяржаўнага мытнага камітэта, падчас спецмерапрыемства супрацоўнікамі Ашмянскай мытні ў пункце пропуску «Каменны Лог» на мяжы з Літвой быў спынены грузавы аўтамабіль «ДАФ», які па дакументах перавозіў мэблю. Згодна з дакументамі, тавар накіроўваўся з Калінінграда ў Маскву.

У выніку мытнага надгляду было ўстаноўлена, што ў грузавым адсеку аўтапоезда знаходзіцца не заяўленае ў суправаджальных дакументах жаночае і дзіцячае адзенне агульнай вагой больш як 800 кг. Вадзіцель транспартнага сродку растлумачыў, што на тэрыторыі Літвы незнаёмыя яму асобы прапанавалі такім чынам падзарабіць. За плату ў 600 долараў яму трэба было проста перавезці адзенне ў Маскву.

Незаконна перавезеныя блузкі, майкі, купальнікі і кофты агульным коштам больш як 720 млн. рублёў канфіскаваныя. У дачыненні да вадзіцеля складзены адміністрацыйны пратакол.

0
Сяргей / Адказаць
13.05.2013 / 17:01
Прибарахлятся таможенники на халяву :)))
0
Напільнік. / Адказаць
13.05.2013 / 17:22
Зноў Л. маскалеў кінуў.
0
Крем / Адказаць
14.05.2013 / 00:33
хтосьці кагосьці наё*вае. нават за перавозку кілаграма сала долар плацяць, а тут вОпратка! нават калі б за адну адзінку плацілі б па даляры, дык на кілаграм выходзіла б мінімум 5 адзінак)) і не з Літвы ў Маскву, а з Кузніцы ў Гродна)))
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру