13.05.2013 / 19:15

У Ружанскім замку завершана рэканструкцыя ўязной Брамы — фоты 20

У Ружанскім замку — радавым гняздзе ўплывовага роду Сапегаў (Пружанскі райн Брэсцкай вобласці) — завершана рэканструкцыя ўязной брамы, выкананай у выглядзе трыумфальнай аркі з двухпавярховымі флігелямі па баках.

Пасёлак Ружаны ў Беларусі мае старажытную гісторыю, упершыню ён згадваецца ў дакументах у 1490 годзе. У 1598 годзе тутэйшае мястэчка стала ўласнасцю роду Сапегаў, а ў 1637-м атрымала магдэбургскае права. Менавіта тут была рэзідэнцыя аднаго з магутных родаў Вялікага княства Літоўскага і Рэчы Паспалітай.

Пачатак будаўніцтва замка ў Ружанах адносіцца да XVI стагоддзя, у наступныя стагоддзі ён не раз перабудоўваўся, разбураўся. У другой палове XVIII стагоддзя яго аднавілі ў выглядзе барочнага палаца. Тут былі свой тэатр, карцінная галерэя, жывапісны парк, аранжарэя. Дзве сусветныя вайны, гады Савецкай улады ператварылі велічны комплекс у руіны. Ужо ў незалежнай Беларусі была адноўленая і рэстаўраваная ўязная брама, у правым флігелі якой размясціўся краязнаўчы музей. А зусім нядаўна набыў першапачатковы выгляд і левы флігель. Работы праводзілі спецыялісты ААТ «Брэстрэстаўрацыя».

0
Злой! / Адказаць
13.05.2013 / 19:29
было бы отлично, если бы восстановили весь комплекс. и не только в Ружанах.
0
Reider / Адказаць
13.05.2013 / 19:51
Эээ.. а нічога, што яго адрэстаўравалі яшчэ летась?
0
2Reider / Адказаць
13.05.2013 / 20:05
Вы, братка Райдэр, па-нашаму чытайце, па-простаму (перадапошні сказ): "...зусім нядаўна...". Значыць гэта, што летась. А для Вас "зусім нядаўна" гэта калі?
Паказаць усе каментары/ 20 /
Каб пакінуць каментар, калі ласка, актывуйце JavaScript у наладах свайго браўзеру