Першы ў Беларусі «мультыкамфортны дом» пабудаваны ў Дзяржынску Мінскай вобласці. Унікальнасць збудавання ў тым, што, дзякуючы выкарыстанню інавацыйных для Беларусі будаўнічых тэхналогій, энергаспажыванне «мультыкамфортнага дома» ў чатыры разы ніжэйшае за цяперашні стандарт, а каэфіцыент натуральнай асветленасці ў разы перавышае нарматыўны.
У доме прыменена гібрыдная сістэма вентыляцыі з рэкуперацыяй цяпла, дзякуючы чаму максімальна змяншаецца нагрузка на ацяпленне. Гарачае водазабеспячэнне прадугледжана праз сонечныя калектары. Усе інжынерныя сістэмы аб’яднаны ў адзіную аўтаматызаваную сістэму кіравання домам, якая вымярае і кантралюе тэмпературу, асветленасць, узровень CO2 і вільготнасці.
«Энергаэфектыўнасць — гэта толькі адзін з аспектаў канцэпцыі нашага дома, — падкрэсліў генеральны дырэктар кампаніі „
Прымяненне энергазберагальных тэхналогій павялічвае сабекошт квадратнага метра ў сярэднім на 10–15%. Паводле слоў дырэктара кампаніі «
«Нашай мэтай было правесці эксперымент, пратэсціраваць на эфектыўнасць рознае абсталяванне, — сказаў архітэктар праекта Аляксандр Кучаравы. — Пасля двухгадовага маніторынгу мы зможам зрабіць пэўныя высновы і распачаць тыпавы праект „мультыкамфортнага дома“. Далей усё будзе залежаць ад попыту на рынку. Наша задача — знайсці баланс паміж камфортам і коштам такога жылля».
Унутраныя аздабленчыячныя работы ў новабудоўлі яшчэ не завершаны. Фінальным штрыхом павінна стаць ветраўстаноўка, дзякуючы якой дом не толькі забяспечыць сябе энергіяй, але і зможа «зарабляць» 500 долараў у год.
Ва ўрачыстай цырымоніі адкрыцця «мультыкамфортнага дома» ўзялі ўдзел пасол Францыі ў Беларусі Мішэль Рэнеры і намеснік міністра архітэктуры і будаўніцтва Дзмітрый Семянкевіч.
