У гэты дзень 16 гадоў таму Вярхоўная Рада ўхваліла акт пра абвяшчэньне незалежнасьці Ўкраіны.

Урачыстасьці ў Кіеве з нагоды сьвята пачынаюцца малебнам у Сафійскім саборы з удзелам прадстаўнікоў розных рэлігійных канфэсій і кіраўнікоў дзяржавы, уключна з прэзыдэнтам Украіны Юшчанкам і прэм’ерам Януковічам.

Гэтую традыцыю Юшчанка запачаткаваў у 2005 годзе, каб зрабіць акцэнт на духоўна‑гуманістычным зьмесьце сьвята.

Пасьля завяршэньня малебну прэзыдэнт Юшчанка прамаўляе на Сафійскай плошчы.

У некаторых гарадах Заходняй Украіны ва ўсе сьвяточныя дні пасажыры ў вышыванках будуць езьдзіць на грамадзкім транспарце бясплатна.

У Львове таксама ўпершыню сьвяткуюць Дзень вышыванкі, апрануўшы скульптуры‑фантаны на плошчы Рынак у вышыванкі.

У Данецку 23 жніўня з нагоды Дня сьцягу разгарнулі найвялікшы ва Ўкраіне дзяржаўны сьцяг памерам 30 на 45 мэтраў.

Пасьля прэзэнтацыі ў Данецку сьцяг у наступныя 30 дзён правязуць па 24 абласных цэнтрах Украіны, а таксама Сімферопалі, Кіеве й Севастопалі.

Бі-Бі-Сі