24.08.2007 / 13:21

Пагоны супраць шортаў 9

«Прыходзіць чалавек у шортах, як на пляж, на прыём, ці на разгляд камісіі, дзе сядзяць салідныя асобы ў пагонах. Гэта несалідна».

На сайце nn.by ужо зьяўлялася інфармацыя пра новыя парадкі ў Лунінецкім райвыканкаме — наведнікаў у шортах міліцыянт не пусьціў на прыём да чыноўніка. У камэнтарах да таго ліста чытач з Гомелю паведаміў пра аналягічны выпадак у мясцовым ДАІ: наведнікаў у шортах не пусьцілі на разгляд справы аб парушэньні правілаў дарожнага руху. Людзі мусілі ехаць пераапранацца.

Мы вырашылі высьветліць, чым кіраваліся гомельскія ДАІшнікі ў дадзенай сытуацыі.

У Гомельскім УДАІ паведамілі, што дзеяньні дзяжурнага супрацоўніка рэглямэнтаваныя загадам начальніка ДАІ. Гэты загад прадугледжвае наведваньне адміністрацыйнай установы ў належным выглядзе. Выявілася, што такія самыя правілы дзейнічаюць і ў Менскім УДАІ. Суразмоўца паведаміў, што правілы наведваньня адміністрацыйных установаў зацьверджаныя ў Менгарвыканкаме. Ад сябе дадаў:

«Вы самі зразумейце — прыходзіць чалавек у шортах, як на пляж, на прыём, ці на разгляд камісіі, дзе сядзяць салідныя асобы ў пагонах. Гэта несалідна».

СП

0
Андрэй / Адказаць
24.08.2007 / 14:18
Цалкам згодзен. Дома, на лецішчы -- калі ласка! Хоць у шортах. хоць бяз іх. Але на працы, ці ў афіцыйнай устнове трэба апранацца адпаведна. Нават наконт вуліцы -- пытаньне спрэчнае. Бо часта непрыемна назіраць чыісьці валасатыя ногі...
0
Спартовец Нумар Вусы / Адказаць
24.08.2007 / 14:24
а мяне на лыжеролерах пусьцяць? Ці ў майтках спартыўных я не такі салідны?
0
LMD / Адказаць
24.08.2007 / 15:11
Андрэй, і што, дзеля таго, што вам непрыемна глядзець, я буду ногі галіць? Чым вы тады адрозьніваецеся ад гопнікаў на раёне, якім доўгія валасы не падабаюцца?
Паказаць усе каментары/ 9 /
Каб пакінуць каментар, калі ласка, актывуйце JavaScript у наладах свайго браўзеру