31.05.2013 / 09:27

ЕГУ ўзнагароджаны Прэміяй Свабоды Атлантычнай Рады 3

Еўрапейскі гуманітарны ўніверсітэт (ЕГУ) уганараваны Прэміяй Свабоды Атлантычнай Рады (Atlantic Council Freedom Award). Цырымонія ўзнагароджання пройдзе 14 чэрвеня ва Уроцлаве (Польшча).

ЕГУ быў заснаваны ў 1992 годзе ў Мінску з мэтай адраджэння выкладання і правядзення навуковых даследаванняў у галіне гуманітарных і сацыяльных навук і папулярызацыі прынцыпаў гуманітарнай адукацыі ў Беларусі, у тым ліку развіцця крытычнага мыслення, творчых здольнасцяў і пачуцця асабістай адказнасці. У 2004 г. ён быў зачынены беларускімі ўладамі і аднавіў дзейнасць у Вільні.

***

Атлантычная Рада — амерыканская арганізацыя, што мае сваёй мэтай развіццё трансатлантычнага супрацоўніцтва. Прэміяй Свабоды Атлантычнай Рады ўганароўваюцца выбітныя асобы і арганізацыі, што ўвасабляюць місію Рады па ўмацаванні цэнтральнай ролі Атлантычнай супольнасці ў сферы глабальных каштоўнасцяў.

У 2011 г. прэмію Атлантычнай рады атрымлівалі БАЖ, праваабарончы цэнтр «Вясна» і Свабодны тэатр.

Паводле прэс-службы ЕГУ

0
Atlantic Council Freedom Award / Адказаць
31.05.2013 / 10:16
Рэд., можаце яшчэ дадаць, што з Беларусі гэтую ўзнагароду ўжо атрымлівалі ў 2011 г. БАЖ, "Вясна" і Свабодны тэатр.
0
pan / Адказаць
31.05.2013 / 11:44
Гэта прэмія не гаворыць ні пра што. ЕГУ у нацыянальным плане для Беларусі абсалютна не дае нічога. Спрэс пантовыя, рускамоўныя, патэнцыя эмігранты.
0
Сяргей / Адказаць
31.05.2013 / 13:31
Добрая навіна і вялікі гонар для Беларусі! Ніводны беларускі ВНУ пра такое і марыць не можа.
Каб пакінуць каментар, калі ласка, актывуйце JavaScript у наладах свайго браўзеру