31.05.2013 / 10:26

Хэнлан з'едзе з Мінска ні з чым? Рыжанкоў: Ёсць іншыя годныя спецыялісты 2

Памочнік Лукашэнкі па пытаннях фізічнай культуры, спорту і развіцця турызму Максім Рыжанкоў патлумачыў pressball.by, у чым заключаецца праблема пры перамовах з Гленам Хэнланам, які вось ужо трэці дзень знаходзіцца ў Мінску.

Асноўныя перашкоды — гэта ўмовы, якія высоўваюцца агентам прэтэндэнта, а таксама новая стратэгія мінскага «Дынама».

Разам з тым Рыжанкоў падкрэсліў, што канадзец — далёка не адзіная кандыдатура на пасаду галоўнага трэнера нацыянальнай беларускай зборнай. Ёсць і іншыя годныя ахвотныя, у тым ліку сярод айчынных спецыялістаў.
Таму зусім не выключана, што на гэты раз Хэнлан з’едзе з Мінска ні з чым.

***

Як паведамлялася раней, пасля двух сезонаў працы памочнікам трэнера юніёрскага клуба «Ванкувер Джайнтс», што выступае ў Заходняй хакейнай лізе, Глен Хэнлан падаў у адстаўку, а ў сераду прыляцеў у Мінск.

Хэнлан трэніраваў зборную Беларусі па хакеі на чэмпіянатах свету 2005, 2006 і 2009 гадоў. На чэмпіянаце свету 2006 года ў Латвіі беларуская каманда заняла 6 месца.

Сезон 2009/2010 гадоў Хэнлан пачаў на пасадзе галоўнага трэнера «Дынама-Мінск», аднак 20 кастрычніка 2009 г. быў адпраўлены ў адстаўку з-за нездавальняючых вынікаў каманды. Праз два тыдні Хэнлан пакінуў пасаду галоўнага трэнера зборнай Беларусі.

nn.by

0
віКніК / Адказаць
31.05.2013 / 16:17
памятаю. як я смяяўся. калі Хэнлан у 2006-м сцвярджаў. што не атрымлівае за сваю працу ні капейкі. а проста вельмі любіць нашу краіну
0
Франак Нырка / Адказаць
31.05.2013 / 16:49
віКніК напiсаў(ла) 31 мая 2013 у 16:17 ------------------------------------------------------------------------------- Ну ў бескарыслівасць Хэнлана на ўсе 100%, мне здаецца, не верыў ніхто. Але да часу яго працы з Дынама мне здавалася, што ён, як спецыяліст, проста імгненна ўбачыў самае ўразлівае ў нас, - мінімум патрыятызму ў паслякрыкуноўскай зборнай Беларусі. І калі б ён працягваў у гэтым накірунку, дык не такі б ужо і вялікі быў кошт яго, хоць і міл'ённага кантракту, бо справы б вельмі хутка былі б на такім узроўні, калі вялікай патрэбы менавіта ў ім не было б. Ды і ў яго быў бы зароблены сур'ёзны аўтарытэт у хакейным свеце. Але, відаць, ад самага пачатку ён не верыў ні ў нас, ні ў сябе.) Таму і ператварыўся паступова ў звычайнага тутэйшага "хапугу". Шкада, што скінулі Скабелку. Але на гэтым полі нечакана з'явілася новае, ці добра забытае знакамітае імя, - Алег Мікульчык. Хто яго ведае, можа гэты "рэзкі" мужык не такі ўжо і інтэрдынамавец на самой справе.)
Каб пакінуць каментар, калі ласка, актывуйце JavaScript у наладах свайго браўзеру