Забарона на лоўлю сома будзе дзейнічаць у Беларусі з 31 мая па 1 ліпеня.
Пра гэта паведаміла прэс-сакратар Дзяржаўнай інспекцыі аховы жывёльнага і расліннага свету пры прэзідэнце Рэспублікі Беларусь Вольга Грамовіч.
«Паколькі тэмпература вады для камфортнага размнажэння сома павінная быць не ніжэйшая за 16 градусаў, гэты від нерастуе пазней, чым асноўная маса ўсіх вяснованераставых рыб, якія водзяцца ў Беларусі», — патлумачыла Вольга Грамовіч.